Мұндағы студенттер әр қабатқа орналасып толық оқшауланған. Қазіргі таңда жатақханада онлайн арқылы білім алып жатқан жалпы 137 студенттің басым бөлігі Түркіменстаннан келген жастар.
Заманауи үлгіде жабдықталған жатақханада компьютер класы, 5 мыңнан аса кітап қоры , кең жолақты ғаламтор студенттерге толыққанды білім алуға мүмкіндік беріп отыр. 30 мыңға жуық электрондық кітаптар базасы да тәлімгерлер үшін қолжетімді.
«Ел түгілі әлемде індет жайлағанда үйден шықпай сапалы білім алу мақсатымыз дейді студент Жанар Кемежан. Қытайдың Құлжа қаласынан келіп Шымкентте білім алып жатқан ол коронавирус дерті тоқтап, ата-анасымен аман-есен қауышатын күнді күтіп жүргенін айтады. Қашықтықтан білім алуға да дағдыландық дейді шетелдік білім алушы.
«Онлайн сабақ тиімді болып жатыр. 1 сабақ 30 минут болады. Ал жатақхананың кітапханасы 5 мыңға жуық кітап қоры бар. Электронды кітапхана тағы бар. Барлығы студенттер үшін қол жетімді», дейді М.Әуезов атындағы ОҚМУ 2 курс студенті Жанар Кемежан.
Ал жоғары оқу орнының проректоры Сәке Мәжімбеков: «Азық-түлік, гигиеналық қажетті заттар сонымен қатар бетперде перчатка қолға киетін сосын антисептик заттарменен қамтамасыз етіп жатырмыз. Жағдайды түсінгеннен кейін, көптеген қызметкерлер өз еркімен осындай жасап жатқан жайы бар», дейді.
Шымкент
