Қазіргі таңда Қор 136 млн теңге көлемінде көмек көрсеткен. Ұлы Отан соғысының мүгедектеріне және 1-3 топтағы мүмкіндігі шектеулі адамдарға, аз қамтылған, көп балалы аналарға, жалғыз басты аналарға жалпы 12 мың азық-түлік жиынтығы жеткізілді. Бұған қоса, азық-түлік пен зарарсыздандыру құралдары қаланың арнайы мектептеріне, интернаттарға және балалар үйлеріне жеткізілді.
Жалпы алғанда, бүгінде Алматыда санитарлық қауіпсіздікті сақтау бойынша арнайы дайындықтан өткен 100 волонтер жұмыс істеп жүр. Олар мұқтаж жандарға азық-түлік жиынтықтарын, дәрі-дәрмектерді, бірінші қажеттіліктегі заттарды өлшеп-орауға және жеткізуге көмектеседі. Сонымен қатар, ақпараттық-консультациялық көмек те көрсетіледі.
