Мәжілісте Денсаулық сақтау министрлігі халықтың денсаулығы мен денсаулық сақтау жүйесіне қатысты заң жобаларының таныстырылымын өткізді. Отырысқа Палатаның Әлеуметтік-мәдени даму комитетінің төрайымы Дариға Назарбаева қатысты, деп хабарлады осы палатаның баспасөз қызметі.
Мәжілісте Денсаулық сақтау министрлігі халықтың денсаулығы мен денсаулық сақтау жүйесіне қатысты заң жобаларының таныстырылымын өткізді. Отырысқа Палатаның Әлеуметтік-мәдени даму комитетінің төрайымы Дариға Назарбаева қатысты, деп хабарлады осы палатаның баспасөз қызметі.
Заң жобасымен парламентшілерді министрліктің жауапты хатшысы Серікбол Мусинов таныстырды. Заң жобасын әзірлеуге Парламент депутаттары, мемлекеттік органдар, «Нұр Отан» ХДП мен «Атамекен» ҰЭП өкілдері белсене қатысты.
Жобаның негізгі ережелері: денсаулық сақтау саласындағы мемлекеттік реттеу мен басқаруды жетілдіруге; халық денсаулығын нығайтуға, саламатты өмір салтын жүргізуге; денсаулық сақтаудың кадрлық ресурстарының әлеуетін арттыруға; дәрі-дәрмек саясатын жетілдіруге бағытталған.
Заң жобасының негізгі мақсаты медициналық көмектің сапасы мен қолжетімділігін арттыру, қолданыстағы заңнаманың олқылықтарын жою және халықаралық стандарттарға сәйкес келтіру болып табылады.
Заң жобасы бойынша жұмыс тобының жетекшілігіне Н.Петухова бекіді. Енді депутаттар аталған заң жобасын жұмыс тобында талқылайтын болады.
