• 13 Қыркүйек, 2013

2013 жылғы тамызда күнкөрістің ең төменгі деңгейінің шамасы 19 351 теңгені құрады

221 рет

көрсетілді

2 мин

оқу үшін

Egemen Qazaqstan

Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2013 жылғы тамызда өткен аймен салыстырғанда 5,9%-ға, 2012 жылғы тамызбен салыстырғанда 7,3%-ға өсті. Оның құрылымында ет пен балықты сатып алуға жұмсалған шығыстардың үлесі 20,8%, жемістер мен көкөністерді – 16,4%, сүт, май және тоң май өнімдері мен жұмыртқаны – 14%, нан және жарма өнімдерін – 6,9%, қант, шай және дәмдеуіштері 1,9%-ды құрады.

теңге

	Орта есеппен халықтың жан басына шаққанда	0-13 жастағы балалар	14-17 жастағы жасөспірімдер		18 жастан асқан, еңбекке қабілетті халық		Зейнет-керлер мен қарт адамдар
	Орта есеппен халықтың жан басына шаққанда	0-13 жастағы балалар	жас жігіттер	қыздар	ерлер	әйелдер	Зейнет-керлер мен қарт адамдар
Күнкөрістің ең төменгі деңгейінің шамасы	19 351	17 087	24 065	18 437	22 736	18 041	17 879
Азық-түлік тауарлары	11 611	10 252	14 439	11 062	13 642	10 824	10 727
Азық-түлік емес тауарлар мен ақылы қызметтер	7 740	6 835	9 626	7 375	9 094	7 217	7 152

Әдіснамалық түсініктемелер

Ең төменгі күнкөріс деңгейі – мөлшері бойынша ең төменгі тұтыну қоржынының құнына тең, бір адамға қажетті ең төменгі ақшалай табыс. Ең төменгі тұтыну қоржыны адам тіршілігін қамтамасыз етуге қажетті тамақ өнімдерінің, тауарлар мен көрсетілетін қызметтердің заттай және құндық көріністегі ең төменгі жиынтығы болып табылады. Ол азық-түлік қоржынынан және азық-түлік емес тауарлар мен ақылы қызметтерге жұмсалатын шығыстардың бекітілген үлесінен тұрады. Күнкөрістің ең төменгі деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі ең төменгі тұтыну қоржыны құнының 40 пайыздық мөлшерінде белгіленген.

Қазақстан Республикасының Статистика агенттігі