Әлем • 25 Сәуір, 2020

Британдық саясаткер әлемге ортақ үкімет құруды ұсынды

454 рет
көрсетілді
1 мин
оқу үшін

«2008-2009 жылдары қаржылық дағдарысты бастан кешірген Ұлыбританияның бұрынғы премьер-министрі Гордон Браун әлем басшыларын коронавируспен күресу үшін уақытша үкімет құруға шақырды»  деп хабарлайды The Guardian.

Британдық саясаткер әлемге ортақ үкімет құруды ұсынды

Саясаткердің айтуынша, бұл топқа әлемдік көшбасшылар, денсаулық сақтау саласындағы сарапшылар және халықаралық ұйымдардың басшылары кіруі керек.

«Бұл бір елде күресуге болатын нәрсе емес. Үйлесімді жаһандық жауап болуы керек. Бүгін біз шұғыл медициналық көмек туралы сөйлесіп жатырмыз, оны шешу үшін бірлескен іс-қимыл қажет», - деді Браун.

Браунның айтуынша, қазіргі дағдарыс оның 2008 жылы премьер-министр болған кездегі жағдайынан өзгеше.  

«2008 жылдардағы дағдарыс  экономикалық себептермен туындаған және экономикалық проблема болды. Қазір бізге, ең алдымен, жедел медициналық көмек қажет, оны шешу үшін бірлескен іс-шаралар қажет. Бірақ сіз шұғыл көмекке қаншалықты көп аралассаңыз, соғұрлым экономиканы қатерге төндіресіз.  Бізге қандай да бір басқару кеңесі керек. Мен G20-ның өкілеттіктерін кеңейту керектігін ұсынамын»,- деді Ұлыбритания үкіметінің бұрынғы басшысы.

Браун ұсынған жаһандық жұмыс тобы дағдарысты екі бағытта шешуге бағытталған - вакцинаны іздестіру, сондай-ақ өндірісті ұйымдастыру бағытында барлық елдердің мүмкіндіктерін бір орталыққа жұмылдыратын күш.  

Гордон сонымен бірге Дүниежүзілік банк пен Халықаралық валюта қоры бюджетін төмен және орташа  елдердегі дағдарыстың салдарын жеңуге көмектесуге бағыттау керек.