Бала күтімімен демалыста отырмын. Үш баланың анасымын. Күйеуім өзін өзі жұмыспен қамтып, отбасын асырап жүрген азамат. Төтенше жағдай кезіндегі әлеуметтік төлем – 42 500 теңге төлем шотыма түсті. Қазіргі кезде жұмыс орындары уақытша тоқтап, қалада карантин жарияланған кезде бұл қаражаттың берілуі, расында, біз секілді отбасыларға көмек болды.
Қолда барды қанағат тұтып, қиын-қыстау кезеңде қиындықтан шыдамдылықпен бірлесіп, тәртіпке бағынып шықсақ деймін. Қазір теледидар, әлеуметтік желі арқылы елімізде болып жатқан әрбір жаңалықты жібермей көріп отырмыз. Президентіміз тарапынан жасалып жатқан игі істің барлығынан хабардармыз. Отбасымыздың атынан алғысымыз шексіз.
Айман КЕРІМБАЙҚЫЗЫ,
Шымкент қаласы Абай ауданы «Құрсай» шағын ауданының тұрғыны