Аймақтар • 27 Сәуір, 2020

Қазақстандағы ең жас ректор тағайындалды

6406 реткөрсетілді

«Қазақ медициналық үздіксіз білім беру университеті» АҚ құрылтайшылар жиналысының шешімімен университет ректоры болып – PhD, доцент, Қазақстан Республикасының «Талантты жас ғалым» атағының үш мәрте иегері, Қазақстан Республикасының Тұңғыш Президентінің грантын алған Қайыржан Әбдіхалықов тағайындалды.

Директорлар кеңесі аталған ЖОО басшысының орнына кандидаттарды ұзақ уақыт бойы қарастырғанын және еліміздің жоғары білім саласындағы танымал кәсіпқой, менеджерді таңдағанын атап өтті. Қайыржан Саясатұлының университет басшылығына келуі аталған университеттің деңгейі ғана емес, сонымен қатар отандық және әлемдік медициналық білім беру жүйесіне жағымды өзгерістер енгізілуі мүмкін деген үмітін  білдірді.

Қайыржан Әбдіхалықовтың еңбек жолы білім беру жүйесімен тығыз байланысты – осы уақытта ол білікті менеджер және беделді ғалым ретінде танылды. ҚазМУНО-ның жаңа жетекшісі 37 жаста, ол Орталық Азиядағы медициналық университеттердің басшыларының ішіндегі ең жас ректор. 

«Коронавирустық пандемия ұлттық және ғаламдық деңгейде медициналық кадрлардың тапшылығын айқын көрсетті. Сонымен қатар, еңбек нарығы үздіксіз өзгеруде, денсаулық сақтау саласында қарым қатынасқа жауап беретін мамандарға, медициналық деректерді талдайтын сарапшыларға, ТЖ кезіндегі әлеуметтік көмек бағдарламаларын ұйымдастырушыларға және зертхана қызметкерлеріне сұраныс арта бастады. Біз бұл трендтерді айқын түсініп, халықаралық медициналық университет ретінде жоғары білікті медициналық кадрларды даярлаудың бірегей жүйесін құруға ниеттіміз», – деді жаңа ректор.

Қазақ медициналық үздіксіз білім беру университеті 2018 жылдан бастап,  6 мамандық бойынша бакалаврларды даярлауға бағытталған білім беру жүйесіне  толығымен көшті. Сонымен қатар, университетте жоғары оқу орнынан кейінгі кәсіби білім беру – резидентура, магистратура және докторантура бар.

Аталмыш университет 1963 жылы Алма-Ата Медициналық зерттеулердің мемлекеттік ғылыми институты (AGIUV) ретінде құрылған. 2014 жылғы мамырда Қазақстан Республикасы Үкіметінің қаулысымен институт қайта құрылып, Қазақ медициналық үздіксіз білім беру университеті болып аталды. Университетте Үндістаннан, Біріккен Араб Әмірліктерінен, Шри-Ланкадан, Қытайдан, Ресейден және басқа елдерден келген студенттері қоса есептегенде 3000-нан астам студенттер оқиды.

 

АЛМАТЫ

Соңғы жаңалықтар

Итаяқпен ас ішкен әйел

Руханият • Бүгін, 10:30

Арыстар рухына құрмет

Пікір • Бүгін, 08:33

Ел үшін маңызды бастама

Пікір • Бүгін, 08:25

Оң өзгерістерге жол ашады

Пікір • Бүгін, 08:09

Шырғалаң шындығы

Әлем • Бүгін, 08:04

Қарағандыны жастар сәндейді

Аймақтар • Бүгін, 07:55

Тастүйін

Қоғам • Бүгін, 07:51

Кодекс жобасы талқыланды

Саясат • Бүгін, 07:48

Нүкте философиясы

Руханият • Бүгін, 07:35

МӘМС: кім, қанша төлейді?

Сұхбат • Бүгін, 07:30

Мың қырлы Манарбек

Әдебиет • Бүгін, 07:30

Салық өсімпұлы салмақ емес пе?

Экономика • Бүгін, 07:26

Ұқсас жаңалықтар