Төтенше жағдай кезінде халықты бірінші кезектегі әлеуметтік маңызы бар азық-түлік тауарларымен қамтамасыз ету шаралары да өз деңгейінде жүргізілуде. Жалпы 4299,4 тонна өнім сатып алуға облыстық бюджеттен 881,8 млн теңге бөлінді.
Бүгінгі мәлімет бойынша облыстық сауда орындары мен олардың қоймаларында және тұрақтандыру қорында 12 521,6 тонна өнім сақталуда.
Облыста қосымша 2000 тонналық заманауи жабдықталған көкөніс сақтау қоймасы іске қосылып, қосымша сатып алынған көкөніс өнімдері осы қоймаға қабылданып жатыр.
