Оқу-жаттығу Қазақстан Қарулы Күштері Бас штабы Геоақпараттық қамтамасыз ету департаментінің гидрометеорологиялық қамтамасыз ету басқармасымен 2020 жылға арналған ТМД қатысушы-мемлекеттері қорғаныс министрлер одағының жұмыс жоспарына сәйкес өткізілді.
Сонымен қатар, жаттығу кезінде Қазақстан Әуе қорғаныс күштері әскери бөлімінің метеорологиялық орталығы және Нұр-Сұлтан қаласы авиациялық базасының метеорологиялық қызметі қосымша тартылды.
Жаттығудың мақсаты – қазақстандық әскери метеорологтары мен ТМД елдерінің Қарулы Күштерінің метеорологиялық қызметінің жедел және болжамды органдары арасындағы жұмыстың үйлесімділігін арттыру, табиғи гидрометеорологиялық құбылыстардың алдын-алу және ескерту бойынша тиімді өзара іс-қимыл мен өзара көмек көрсетуді ұйымдастыру болып табылады.
Сценарий бойынша кезекші офицер-гидрометеоролог қатысушы- мемлекеттерді Қазақстандағы табиғи гидрометеорологиялық құбылыстардың шартты түрде пайда болуы туралы хабардар етті. Сондай-ақ ол Армения, Беларусь, Қырғызстан және Ресей қорғаныс министрліктерінің гидрометеорологиялық қызметтеріне ескертулер мен хабарламалар жолдады.
Өз кезегінде осындай ескертулерді жоғарыда аталған елдердің метеоқызметтерінен Қазақстанның қорғаныс ведомствосына да жіберілді.
Оқу-жаттығу қорытындысы бойынша барлық мақсаттарға қол жеткізілді, гидрометеорологиялық ақпараттармен уақтылы алмасу бойынша міндеттер толық көлемде орындалды.