13 жыл бойы тапжылмай бір ғана команда – «Чикаго Блэкхокстың» сапында өнер көрсетіп жүрген Тэйвздің бағындырған белестері өте көп. Ол Ұлттық хоккей лигасының «Жұлдыздар матчына» үш рет қатысты. Айтулы жарыстың «Конн Смайт Трофи», «Фрэнк Дж. Селки Трофи», «Марк Мессье» және тағы басқа мәртебелі сыйлықтарын иеленді. «Чикаго Блэкхокс» клубымен үш мәрте Стэнли кубогын жеңіп алды.
Джонатан Тэйвз 2010 жылы Ванкувер өткен Олимпия ойындарының ең үздік шабуылшысы атанды. 2014 жылы Сочи Олимпиадасының финалдық сайысында Швецияның қақпасына шешуші голды соғып, Канаданың қатарынан екінші мәрте Олимпиада чемпионы атануына сүбелі үлес қосты.
