Осыған орай Мемлекет басшысы Қасым-Жомарт Тоқаев Қазақстан халқына арнаған Үндеуінде елдің басына түскен ауыртпалыққа назар аудара отырып, «...қазіргідей күрделі кезде әрбір азамат біздің назарымызда болады. Мемлекет ешкімді қиындықта қалдырмайды» деп айтты. Осы тілсіз жаумен арпалысып жүрген дәрігерлер қауымының өлшеусіз еңбегін атай отырып, оларға Үкімет тарапынан беріліп жатқан ерекше қолдау, елдегі коронавирус жағдайында қозғалған мәселелер мен оны шешу жолдары тілге тиек етілді.
Әр нәрсенің бір қайыры болады, осы ізгі хабардан кейін ел арқасы бір кеңіп қалғандай әсер қалдырды. «Жұмыла көтерген жүк жеңіл» демекші, халық болып осы мәлімдемедегі Президент айтқан талаптар мен қарапайым ережелерді бұлжытпай орындап, қатерден аман шығу барша азаматтың өз қолында. Сол себепті, бір жағадан бас, бір жеңнен қол шығара отыра, Президент Үндеуін шамшырақ қылып ұстап, қиындықты бірлесе жеңіп шығатынымызға сеніміміз мол.
Бауыржан ЫДЫРЫСОВ,
Мемлекет тарихы институтының ғылыми қызметкері, тарих магистрі
