- Ауырғандардың үлкені 1958 жылы туған азамат болса, кішісі - 9 айлық бала. Қапшағай өңірінде індет жұқтырғандардың жалпы саны 15 адамға жетті. Осыған байланысты Қапшағай қалалық штабтың шешімімен Заречный кетіне бүгіннен бастап карантин енгізілді. Анықталған науқастардың барлығы тиісті ем алу үшін медицина мамандарының бақылауына алынды. Қазіргі кезде олармен байланыста болған 187 адам анықталды. Олар қазір оқшауланып, эпидемиологиялық тексеру жүргізілуде, - деп хабарлады Алматы облысы әкімінің баспасөз хатшысы Ғалымұрат Жүкел.
