Ақмола облысы Зеренді ауданының тұрғыны Ортвин Шлоссер 45 жылдан бері көбелектің әр түрін жинап келеді. Бұл туралы «24 kz» хабарлады.
Оның жеке мұражайында сирек кездесетін көбелектің 3 мың түрі бар екен. ТМД бойынша мұндай мұражай әзірге жоқтың қасы. Көбелек жинауды дағдысына айналдырған азаматтың негізгі мамандығы – хореограф. Ұзақ жылдар бойы «Молодость» бишілер ансамбліне жетекшілік жасаған. «Мен көбелектің сан түрін жинау үшін Орта Азия мен Еуропаның коллекционерлерімен таныстым. Тіпті Жаңа Гвинея аралынан бір ерекше көбелек алып келдім», - дейді ол.
Ортвин Шлоссердің еңбегі зая кетпеген секілді. Оқушылар оның жеке мұражайында болып, әр мемлекеттен әкелінген көбелектің сан түрімен танысуда.
Данияр Түймебай.
