Қала әкімі Бейсеков, Бөкейхан және т. б. көшелерде орналасқан бірқатар тұрғын үй кешендерін аралады.
«Қолжетімді баспана салу - басым міндеттердің бірі. Мемлекет басшысының тапсырмасына сәйкес биыл қолжетімді тұрғын үй құрылысының көлемі ұлғаяды. Бірінші кезекте қолжетімді баспана жеңілдікпен пәтер алуға кезекте тұрған адамдарға беріледі.
Сіздер, құрылыс салушылар ретінде, үйді сапалы салуыңыз керек. Кезекте тұрғандарға кілттерді табыстаған кезде барлығы дайын тұруға тиіс. Кемшіліктер бар. Бір нысанда құрылыс жұмыстары баяу жүрсе, екіншісінде техникалық, авторлық қадағалау мамандарының пікірі ескерілмей жүріп жатады. Бірнеше жылдан соң түсіп қалатын плиталарды не үшін қолданасыздар? Сапалы құрылыс сала алмайдындар, бұл жұмыспен айналыспауы керек. Ал құрылыс жұмыстарын бастағандар, жауапкершілік танытып, тиісті деңгейде салуға міндетті», - деді қала әкімі Алтай Көлгінов.
Құрылыс салушыларға барлық кемшіліктерді түзетуге уақыт берілді. Ережебұзушылық фактілері анықталған жағдайда, шарт бұзылады.
Жаңа тұрғын үй кешендері барлық жағынан ыңғайлы болуы керек. Жаңадан салынған үйлердің бірінші қабаттарында емхана, балаларға арналған шағын орталықтар, оңалту орталықтары, полиция пункті сияқты әлеуметтік нысандар орналасады.
