Қоғам • 03 Мамыр, 2020

Ғалымдардан конкурсқа қабылданған 5000 жобаның 4000-ы кері қайтарылған

127 рет
көрсетілді
1 мин
оқу үшін

Бұл туралы Білім және ғылым министрі Асхат Аймағамбетов бас басылымға берген сұхбатында айтты.

Ғалымдардан конкурсқа қабылданған 5000 жобаның 4000-ы кері қайтарылған

А.Аймағамбетовтың айтуынша, соңғы жылдары жас мамандардың ғылымға бет бұруы көңілге сенім ұялатады. Қазіргі ғылыми қызметкерлердің 34%-ын 35 жасқа дейінгі жастар құрайды.  

– Иә, ғалымдарымыздың қатары көбейгенімен, олардың жобаларын жүзеге асырып, өндіріске енгізуде кедергілерге кезігеді. Оның басты себебі әрі ғылым саласындағы негізгі мәселелердің бірі – ғылыми қызметтің аз қаржыландырылуы. 2018 жылы барлық қаржыландыру көздерінен ғылыми зерттеулерге бөлінген шығыстар көлемі Қазақстанда ІЖӨ-нің 0,12%-ын құраса, дәл осындай көрсеткіш Арменияда (0,3%), Украинада (0,5%), Беларусьта (0,6%), Ресейде (1,2%), ЭЫДҰ елдерінде (4%), Оңтүстік Кореяда (5%)-ды құрады.

Соңғы өткізілген гранттық жобалар конкурсына ғалымдардан 5 мың өтінім түскенімен, қаржыландырудың жеткіліксіз болуына байланысты 4 мың жоба кері қайтарылды. Қаржыландыруға іліккен жобалардың бюджеті де біршама қысқартылды, бұл жобалардың сапасы мен нәтижесіне әсер етпей қоймайды, – деді министр.