Индонезия астанасы - Джакарта қаласында өткен «Мұсылман әлемінің аруы» байқауында нигериялық 21 жастағы Обабийи Айша Ажибола жеңіске жетті, деп хабарлайды Newsru.com сайты.
Дүние жүзіне әйгілі «Әлем аруы» байқауынан кем түспейтін аталмыш шара осымен үшінші рет ұйымдастырылды. Байқауға 500 ару қатысып, оның 20-сы финалға өткен. Ал осы 20-ның арасынан Обабийи Айша Ажиболаның жолы болды.
Өзінің жеңісіне қуанған Обабийи Айша Ажибола Құран сүрелерінің бірін оқып, көзіне жас алды. Байқауды ұйымдастырушылар тарапынан жеңімпаз аруға Меккеге баруға жолдама берілді. Бұл жолдама «Мұсылман әлемінің аруы» үшін ең басты сыйлық болды.
Жолдыбай Базар.
