Қоғам • 09 Мамыр, 2020

Қазақстан халқы Ассамблеясы Ұлы Жеңістің 75 жылдық мерекесімен құттықтады

37 реткөрсетілді

Құрметті отандастар!

Сіздерді Ұлы Жеңістің 75 жылдық мерекесінің аталып өтуімен  құттықтаймыз!

Бұл күн –  қазақстандық әрбір отбасы үшін  жан­қиярлықпен күрескен жаужүрек аталары мен әке­лері­нің ерлігі мен батырлығының дәріптелуімен ерекше қас­терлі.

 

Бауыржан Момышұлы, Әлия Молдағұлова, Рақымжан Қошқарбаев, Иван Панфилов, Талғат Бигелдинов, Нұркен Әбдірев және басқа халқымыздың батыр ұл-қыздарының  есімі – адамзаттың фашизмге қарсы күресі мен жеңісті жақындатудағы Қазақстанның қосқан үлесін айғақтайды.

Олардың ерлігі мен қайсарлығының арқасында бүгінгі таңда Тәуелсіз Қазақстанды нығайтып және дамытып отырмыз.

Ерлік – ешқашан ұмытылмайды. Біз бұл күні Отан алдында өз өмірін құрбан еткендерге құрмет көрсетіп, тылдағы ерен еңбек пен туған жерді қорғауда күш-жігерін аямаған еңбеккерлердің алдында бас иеміз.

Отты жылдардың көзі тірі куәгерлері –  Жеңісті ерлікпен алып берген соғыс ардагерлері мен тыл ардагерлеріне шынайы алғысымыз бен қошеметімізді білдіреміз.

 

Қымбатты ардагерлер, Ұлы Отан соғысының қатысушылары, тыл еңбеккерлері!

Сіздерді шын жүректен мерекелеріңізбен құттықтаймыз. Сіздерге басымызды иеміз және зор денсаулық, ұзақ ғұмыр тілейміз! Үйлеріңізде әрқашан бейбітшілік пен тыныштық орнасын!

Ет жақындарыңыз бен туғандарыңызға бақыт пен амандық тілейміз!

Даңқтарыңыз арта берсін, ардагерлер!

Жеңіс күнімен!

 

Қазақстан халқы Ассамблеясы

 

Соңғы жаңалықтар

Covid-19: Тағы 1 адам қайтыс болды

Коронавирус • Кеше

Covid-19: Тағы 184 адам жазылды

Коронавирус • Кеше

...Түкті кілем, көк кілем

Аймақтар • Кеше

Ғасыр зұлматы

Қоғам • Кеше

Құрдым (төрттаған)

Әдебиет • Кеше

Ұқсас жаңалықтар