Медицина • 13 Мамыр, 2020

Мамандығыммен мақтанамын

41 реткөрсетілді

Әлемдегі медицина қызметкерлерінің жартысынан көбі мейірбикелер екен. Соған сай мейірбикелердің денсаулық сақтау саласындағы қызметінің маңызы да зор. Өйткені емдеу ісінде біздің қызметіміз өте маңызды, жауапты, сондай-ақ асқан төзімділікті талап етеді.

1990 жылы Балқаш қаласын­дағы медициналық колледжді бітіргеннен бері осы салада еңбек етіп келемін. 2006 жылы елордадағы №11 қалалық емханасына ауыстым. Өзім таңдаған мамандығым болғандықтан қандай қиындықтар мен қауіп-қатерге қарамай білек сыбана кірісуге тиіспін деп есептеймін. Әрине жұмыс жүктемесінің ауырлығынан ішкі дүниеміз кей кездері алай-дүлей болып жататыны бар. Ондайда жағымсыз ойлар мен жабырқаңқы көңіл күйді есіктің сырт жағында қал­ды­рып, әр пациентке күлімсі­реген күйде қызмет көрсетуге,  біз­ден медет тілеп келген нау­қас­тардан жасыруға тура келеді.

Әрине әр мамандықтың өз қызығы мен шыжығы болаты­ны анық. Өз басым осы салада еңбек етіп жүргенімді мақ­тан тұтамын. Яғни өз маман­ды­ғыммен мақтанамын. Медици­на­лық көмекке мұқтаж әрбір адам­ға жанымызды салып қыз­мет ету – біздің борышымыз. Біз дәрі­герлердің көмекшілері ретін­де профилактикалық іс-шара­лар жүргізуге, дәрілік заттар­ды тағайындау мен беруге, нау­қастарды алғашқы қарап-тексеру, қарапайым ме­дици­налық манипуляциялар, ана мен бала денсаулығын бақы­лау сияқты үрдістерге тікелей қатысамыз. Сонымен бірге қарт кісілер, аяғы ауыр әйелдер, балалар мен созылмалы аур­улары бар қарттарға үй жағ­дайында көмек көрсету, күтім мен әрі қарай емді жалғас­тыру­дың біріктірілген жүйесін ұйым­дастыру, дені сау және дис­пансерлік есепте тұрған науқас­тармен жұмыс істеуде бізге өте үлкен жауапкершілік жүктеледі.

Мейірбикелер адам денсау­лығына қауіп төндіретін эпидемия, пандемиямен күресте де алдыңғы қатарда тұрады. Пациенттермен бірінші болып қарым-қатынас жасайтын емхана қызметкерлері екені анық. Соған қарамастан біз бәріне сақадай сай дайын болдық. Өз емханамызға қарайтын қарт кісілерге, аяғы ауыр әйелдерге және балалар мен созылмалы аурулары бар үлкендерге дәрі-дәрмектерін волонтерлер арқылы жеткізіп отырдық.

Міне, біздің жауапты да қа­жет­ті қызметіміз қай кезде де ма­­ңы­зын еш жоймақ емес. Сон­дық­­тан болар әлемді әлекке сал­ған қауіпті індетпен күрес кезінд­е де ақ желеңді жандардың еңбе­к­те­рі еленді. Мемлекет басшы­сы Қа­сым-Жомарт Тоқаев меди­цина қыз­мет­кер­леріне сыйақы тағ­а­йын­­дап, үлкен демеу көрсет­ті. Бұл – бізге көрсетілген зор құр­мет. Бұл біздің кәсіби жауап­кер­­ші­­лі­гімізді арттырмаса, әлсірет­пейді.

 

Саяжан МҰҚАТАЕВА,

Нұр-Сұлтан қалалық №11 емхананың мейірбикесі

 

Соңғы жаңалықтар

Қапшағай қаласының әкімі ауысты

Аймақтар • Бүгін, 17:20

Жігіттің жақсысы

Руханият • Бүгін, 16:21

Эрик Кантона көш бастап тұр

Аймақтар • Бүгін, 15:16

Ұқсас жаңалықтар