«Денсаулық сақтау министрінің ҚХР Елшісімен соңғы кездесуі барысында Қытай Денсаулық сақтау министрінің ұсынысымен Қазақстан мамандарын сол елде тәжірибе алмасуға жіберу мәселесі көтерілді. Осы бағытта бағдарлама мен баратын мамандар тізбесін жасап жатырмыз. Қытайға тәжірибе алмасуға баратын медицина мамандарына жұмсалатын шығынды еліміздің Денсаулық сақтау министрлігі және жергілікті мекемелер төлейді», - деді Сержан Айдосов «Денсаулық сақтау министрлігі хабарлайды» бағдарламасы барысында.
«Бұған қоса, еліміздің Сыртқы істер министрлігінің де үлкен көмегі болады. Олар бізге қолдау көрсетіп отыр. Жалпы, мамандарымыздың қашан баратыны туралы нақты жоспар жоқ. Бірақ, 2-3 аптаның ішінде анықталады. Олар Бейжің қаласына барады деп жоспарланған»,- деді Сержан Айдосов.
