Дүниежүзіндегі эпидемиологиялық жағдайға байланысты «Евровидение-2020» қалыпты форматта өтпейтіні бұған дейін белгілі болған.
Енді көрермендерді конкурстық жарыс принципінсіз өтетін ерекше шоу күтіп тұр. Шоу шеңберінде «Евровидениенің» әртүрлі жастағы жеңімпаздары мен биылғы өтпей қалған конкурс қатысушылары дүниежүзіне қолдау көрсету мақсатында өнер көрсетеді. Қатысушылар конкурстық композицияларының 30 секундтық фрагменттері мен «Love Shine a Light» жеңімпаз әнін орындайтын болады.
Жоба жүргізушілері – актриса әрі тележүргізуші Шанталь Янзен, әнші Ян Смит және әнші Эдсилия Ромбли.
