Айгүл СЕЙІЛОВА«Egemen Qazaqstan»
75 материал табылды

Сұхбат • 20 Шілде, 2020

«Жүз томдық фольклор шығарған жалғыз ұлт – қазақ»

Ұлт руханиятының асыл арна­ларының бірі – сөз өнері. Көр­кем­өнердің басқа салалары се­кілді, сөз өнерін оқытуда да даму үдерістері жүріп жатыр. Филологияның бүгінгі ба­ғыт-бағдары, зерттелуі мен зер­деленуі төңірегінде Л.Н.Гуми­лев атындағы ЕҰУ-дің Қазақ әдебиеті кафедрасының мең­ге­рушісі, филология ғылым­да­рының докторы, профессор Рақымжан Тұрысбекпен сұх­баттасқан едік.

Әдебиет • 15 Шілде, 2020

Жазушы жанарында алмасқан түстер

Тәуелсіздік жылдарына дейінгі қазақ прозасында қала мәде­ниетінің фрагменттері бар болғанымен, бүкіл болмысымен, сана-сезімімен, түйсігімен қалаға байланған кейіпкер жоқтың қасы. Қалалық кейіпкерлердің көбеюі соңғы отыз жылдың үлесінде десек, онша қателесе қоймаймыз. Әйтсе де қала мен кейіпкердің тұтастануы, қаланы тірі ағза деңгейінде әспеттеу, өшпестей естеліктер, терең әсерлер негізінен отырықшы халықтардың әдебиетіне тән.

Руханият • 08 Шілде, 2020

Екі ақынның жырындағы елорда

Республика даңғылында орналасқан, қазіргі әскери музейге айналып кеткен көк күмбезді әсем ғимарат ол кезде Президенттік мәдениет орталығы деп аталатын. Екі мыңыншы жылдардың бас кезінде жаңа елорданың әдеби-мәдени ортасын қалыптастыруда осы үйдің көп ықпалы болды. Оны басқарған мемлекет қайраткері, атақты ғалым Мырзатай Жолдасбеков апта аралатып түрлі кештер өткізуді үрдіске айналдырғаны есімізде.

Таным • 30 Маусым, 2020

Синергетика. Жаңаша пайымдау стилі

Ақынның өлеңдерін көптен білетінмін. Бір қатарын оқимын да, тоқтап қаламын. Екінші бір қатарын оқып, тағы кідірем. Адам баласының табиғаты қызық қой. Өзіңе таныс емес сезім-күйлерді, беймағлұм сөздерді қабылдау қиын.Барлық уақытта «Іші алтын, сырты күміспен» кездесе бермесек те, көбінде айналасы теп-тегіс, жұп-жұмыр болып келетін өлеңдер оқитын басымыз ақынның ырғаққа бағындырылғанымен, буынға, бунаққа бағына қоймайтын ақ өлеңдерін қабылдай қоймауымыз заңды еді. Оның ар жағында құрығанда көшпенділер поэзиясына тән архетиптерді тани алатындай білімің мен көшпендінің танымындағы еркіндік ұғымын сезіне алатындай шамаң болмаса, ақын өлеңінің тереңіне бойлау да қиын екен.

Руханият • 23 Маусым, 2020

Авторды мойындамау немесе постмодернизмге жол ашқан бағыттар

Әлем әдебиеттануында герменевтика, семиотика, структурализм, модернизм, постмодернизм сияқты бағыттар кең өріс алып, бұл ғылымның зерттеу нысанына айналғаны белгілі. Енді көркем шығармаларды бұрынғыдай тақырып, идея, жағымды, жағымсыз кейіпкерлер арқылы талдау «қызық емес». Жаңаша ой-пайымдардың, анализдердің салмағы басым түсіп жатыр. Осы жазбада постструктурализм, постмодернизм тудырған ұғымдар, сондай-ақ постмодернизмге жол ашқан бағыттар туралы біршама ой қозғасақ дейміз. Оның ішінде структурализм мен постструктурализмнің орны ерекше.

Әдебиет • 17 Маусым, 2020

Бәйгеторының көз жасы

Үлкен әдебиетте ұсақ штрихтар болмайды. Кемел ойдың кемеңгер ұстасы Әбіш Кекілбайұлының «Бәйгеторысын» оқып шыққанда осындай байламға келдік. Адам жанының қатпар-қатпар сырларына еркін бойлайтын қаламгер жылқының жанына да көріпкелдей үңіледі. Бір кездерде бәйгенің алдын бермеген торының өзі боп «ойланады», «еске түсіреді». Әлемге әйгілі жазушылардың бірталайында бар үлгіні қазақ жазушысы өзінше өрнектеп, қазақы танымға барынша жақындатады. Қазақ баласына жануар атаулыдан ең жақыны жылқы екені аян. Адам мен жылқы арасындағы терең байланысты суреттейтін бұл шығармада негізгі кейіпкер – Бәйгеторы.

Әдебиет • 11 Маусым, 2020

Сүйекші мен Киеван

Өткен ғасырдың 70-жылдары әдебиетке келген буынның ішінде көзге жарқ етіп көрінген қаламгердің бірі – Дулат Исабеков. Қай шығармасын оқысаңыз да есте қалады. Есте қалатын себебі, кейіпкер таңдаудағы талғамы мен оны сомдаудағы ерекше қабілетінде болса керек. Мейлі ол «Гаухар тастағы» Қайыркен болсын, «Дерменедегі» Омар не «Тіршіліктегі» Қыжымкүл кемпір болсын, қай-қайсысы да өз мінез-құлқымен, болмыс-бітімімен көзге ұрады, көңілге орнайды.

Әдебиет • 09 Маусым, 2020

Майлин мүсіндеген арулар

Бейімбет Майлиннің сан-салалы шығармашылығында бізді қызықтыратын бір тақырып бар. Ол – Майлин прозасындағы әйелдер бейнесі. Бейімбет дегенде қазақ оқырманының ойына бірден оралатын қыз-келіншектер кімдер еді? Солар жайлы бірер сөз.

Кино • 05 Маусым, 2020

Алты миллиард теңгеге түсірілетін фильмдер

Ұлттық киноны қолдау мемлекеттік орталығы өткізген екінші питчингтің нәтижесі белгілі болды, - деп хабарлайды аталған орталықтың баспасөз қызметі.

Әдебиет • 05 Маусым, 2020

«Ақбілек». Жан жарасы...

Жүсіпбек Аймауытовтың «Ақбілегі» – көп талданған роман. Қазақ әдебиетіндегі ең алғашқы психологиялық шығарма дегенде тіл ұшына бірден оралатын да осы «Ақбілек». Бас кейіпкерден бастап жанама кейіпкерлердің де ішкі әлемін жарқырата көрсетуде Аймауытов шеберлігіне бас иесің.