Аймақтар • 14 Мамыр, 2020

Атырау: Үндістанның 3 азаматы коронавирус «қармағына» ілінді

79 рет көрсетілді

Соңғы күндері Теңіз кенішінің жұмысшыларының қауіпті індетті жұқтыруы тоқтамай тұр. Өкінішке орай, бүгін  тағы да  25 жұмысшыдан коронавирус инфекциясының белгісі анықталды. Олардың үшеуі – Үндістанның  азаматы.  

Төтенше жағдай режимін қамтамасыз ету жөніндегі өңірлік жедел штабтың мәліметінше, жұмысшылар тұрғылықты мекенжайына бара алдында арнайы тесттен өтіпті.  

-Қауіпті індет жұқтырған 25 науқастың бәрі – ер адам. Арасында Үндістанның 3 азаматы бар. Қазір науқастар инфекциялық стационарға жатқызылып, хаттамаға сәйкес ем қабылдауда. Індет ошағында дезинфекция жасалып жатыр. Науқастармен байланыста болған адамдар дәрігерлер бақылауына алынды, - деп ақпарат таратты өңірлік жедел штаб.

Бүгін Атырау облысында қауіпті індеттің «қармағына» ілінген адамдардың саны 457-ге жетіп отыр. Ал, 127 адам коронавирусты жеңіп шықты.

Соңғы жаңалықтар

Кабулда жарылыс болды

Оқиға • Бүгін, 17:08

Отандық фильмдердің үлесі артады

Қазақстан • Бүгін, 16:20

Алматыда бақылау күшейтілді

Коронавирус • Бүгін, 14:08

Ақша емес, абырой қымбат

Бокс • Бүгін, 13:04

Күршім өзені де ластана бастады

Экология • Бүгін, 12:38

Тіліксіз ота жасалды

Медицина • Бүгін, 12:20

Ұқсас жаңалықтар