СЕНАТ БЮРОСЫНЫҢ ОТЫРЫСЫ

Кеше Қасым-Жомарт Тоқаевтың төрағалық етуімен болған Парламент Сенаты бюросының отырысында Парламент Мәжілісі мақұлдаған заң жобалары палата комитеттері арасында бөлініп берілді, деп хабарлады Сенаттың баспасөз қызметі. Атап айтқанда, “Қазақстан Рес­публикасының кейбір заңна­ма­лық актілеріне трансферттік баға белгілеу және салық салу мә­селелері бойынша өзгерістер мен толықтырулар енгізу ту­ралы” заң жобасын Қаржы және бюд­жет комитеті зерделейтін болды. “Биоотын өндірісі және айналымын мемлекеттік реттеу туралы” және “Қазақстан Рес­пуб­­ликасының кейбір заңнама­лық актілеріне биоотын өндірісі және айналымын мемлекеттік рет­теу мәселелері бойынша өз­ге­рістер мен толықтырулар ен­гізу туралы” заң жобалары Аг­рарлық мә­селелер және қорша­ған орта­ны қорғау комитетіне берілді. Экономикалық және өңірлік саясат комитетіне “Қазақстан Республикасының Үкіметі мен Армения Республикасының Үкі­меті арасындағы Инвестиция­лар­ды көтермелеу және өзара қорғау туралы келісімді ратификациялау туралы” заң жобасы белгіленді. Бюро отырысында сондай-ақ “Қазақстан Республикасы Орта­лық сайлау комиссиясының мү­ше­сі қызметіне тағайындау ту­ра­лы” Сенат Төрағасының ұсы­ны­сы да қаралды. Отырыста палатаның 9 сәуір­де болатын кезекті отырысының күн тәртібі бойынша комитет­тер­дің ұсыныстары да талқыланды. Депутаттардың қарауына “Қазақ­стан Республикасы мен Ресей Фе­дерациясы арасындағы “Бай­қо­ңыр” кешенін тиімді пай­да­ла­ну жөніндегі ынтымақтастықты дамыту туралы келісімді рати­фи­ка­циялау туралы” заң жобасы енгізілді. Сондай-ақ басқа да бірқатар заң жобалары қаралатын болды.