Еліміздің барлық өңірлеріндегідей Қарағанды аймағының жұртшылығы арасында да «Нұр Отан» ХДП «Нұр Отан». Нұрлы болашақ жолында» атты Саяси доктринасы жобасы кеңінен талқылануда. Бұл маңызды құжат туралы ой бөлісуге арналған шаралардың бірі – облыстық мәслихат депутаттарының бас қосуымен өтті.
Еліміздің барлық өңірлеріндегідей Қарағанды аймағының жұртшылығы арасында да «Нұр Отан» ХДП «Нұр Отан». Нұрлы болашақ жолында» атты Саяси доктринасы жобасы кеңінен талқылануда. Бұл маңызды құжат туралы ой бөлісуге арналған шаралардың бірі – облыстық мәслихат депутаттарының бас қосуымен өтті.
Жиынды мәслихат хатшысы Нұрлан Дулатбеков ашып, халық қалаулыларына негізгі бағыттарын таныстырды. Ол өз сөзінде дамудың эволюциялық жолын жетілдіру, бәсекеге қабілетті әрі әлеуметтік әлеуетті мемлекет құру мақсатында партияның жаңаша белсенділік танытуы барша азаматтар тарапынан қолдау тауып отырғанына тоқталды.
Сөз алушы депутаттар Раушан Досмағамбетова, Базарбай Әлеуханов және басқалары доктринада Отанымыз үшін адамнан асқан құндылық жоқ екені, бүкіл құндылық белгілері адамдарға қызмет ететіндігі алдымен аталуы партияның қоғам алдындағы жауапкершілігін айқындайтындығын, ал әрбір азамат өзі өмір сүріп жатқан ортадағы береке-бірлікке үлкен үлес қоса білу керектігін айтып, жобаның бөлімдері бойынша ұсыныс-пікірлерін білдірді.
Айқын НЕСІПБАЙ,
«Егемен Қазақстан».
ҚАРАҒАНДЫ.
