Қазақстан • 15 Мамыр, 2020

Қазақстанда экологиялық реформаларды кейінге қалдыруға себеп жоқ

15 реткөрсетілді

Қазақстанның Экология, геология жəне табиғи ресурстар министрлігі ірі өнеркəсіп кəсіпорындарын «таза» технологияға көшіруге міндеттейтін жаңа Экологиялық кодекс жобасын қарауды жəне қабылдауды сұрайды. Бұл туралы Қазақстаннның Экология, геология жəне табиғи ресурстар вице-министрі Ахметжан Пірімқұлов Президент жанындағы Орталық коммуникациялық қызметіндегі брифингте мəлімдеді.

«Экология мəселесі қашанда өзекті жəне қазіргі жағдай режімінде де өзектілігін жоғалтпайды. Бизнес-қауымдастықтардың бірқатары жаңа кодекстің мерзімін алдағы коронавирустан кейінгі ықтимал салдарларға орай ауыстыру туралы мəселе көтеруде», - деді А. Пірімқұлов жұмадағы брифингте.

Ол өнеркəсіп кəсіпорындарындағы көптеген апаттар мен экологиялық заңбұзушылықтар туралы еске түсіруге шақырды.

«Жағдайдың аса ушығып тұрғанын Назарбаев Университет сарапшыларының есебінен білуге болады. Ол бойынша, жылына он мыңдап шығарылатын улы қалдықтан ауаның ластануынан мезгілсіз өлім-жітімнің өсуі байқалады. Бұл ретте ғалымдардың бағалауы бойынша, осыған байланысты денсаулық сақтауға кететін шығындарды жəне еңбекке қабілетті тұрғындарды есептегенде, мұндай ахуал біздің экономикамызға 2.4 млрд доллардан аса қаражатты талап етеді. Осының барлығы біздің еліміздің орнықты даму мақсаттарына сай келмейді», - деп атап көрсетті вице-министр.

Қазіргі жағдай уақытша құбылыс екенін еске салды. Өнеркəсіп орындары үшін ол «соншалықты қажет болып отырған жаңғырту мен озық қолжетімді технологияға (ОҚТ) көшуді тағы да кері ысыруға қолайлы сылтау» болып отыр.

Сонымен қатар, вице-министр Кодекс жобасында «ОҚТ енгізудің орынды мерзімі» көрсетілгенін атап көрсетті.

«Бұл жерде ремарка жасау қажет. ОҚТ бірінші кезеңі тек шығарынды көлемі еліміздегі жалпы көлемнің 70%-ін құрайтын 50 кəсіпорынға ғана қатысты. Сондықтан қандай да бір тəуекелдер туралы айту əлі ерте. Экологиялық кодекс шеңберінде ОҚТ енгізбеген кəсіпорынды жабу туралы норма жоқ. Тек мөлшерлемені кезең-кезеңмен арттыру туралы айтылған. Жаңа кəсіпорындар үшін ОҚТ-ға көшу міндетті талап, яғни біз қатаң экологиялық талаптарсыз құрылыс салуға, жаңа нəрселерді құруға рұқсат бермеуіміз керек», - деді А. Пірімқұлов.

 
Соңғы жаңалықтар

Қайырымдылық – асыл қасиет

Аймақтар • Бүгін, 14:59

Алматыда тағы 37 адам Covid-19 жұқтырған

Коронавирус • Бүгін, 10:20

Алаштың ардақтысы ұлықталды

Руханият • Бүгін, 10:02

Тапа-талтүстегі төтенше жағдай

Аймақтар • Бүгін, 08:55

Ертістің суы егістікке пайдалы

Аймақтар • Бүгін, 08:40

Ғасыр зұлматы

Қоғам • Бүгін, 06:55

Ұқсас жаңалықтар