Аймақтар • 18 Мамыр, 2020

Жамбыл облысында спорт нысандарының инфрақұрылымы жаңартылуда

31 реткөрсетілді

Биыл Жамбыл облысында спорт нысандарының инфрақұрылымын жаңарту бойынша 120 жоба жүзеге асырылуда. Аталған жобаларды іске асыру аясында өңірде 13 жаңа дене шынықтыру-сауықтыру кешені және 92 спорт алаңы салынып, бірнеше нысандар күрделі жөндеуден өтеді деп жоспарлануда.

Бүгінде «Самұрық-Қазына Траст» әлеуметтік жобаларды дамыту қоры тұрғындардың салауатты өмір салтын қалыптастыруға белсенді атсалысуда. Қазіргі кезде қор есебінен Жамбыл облысында «Менің елім» әлеуметтік инвестициялық бағдарламасы аясында 3 әмбебап спорттық және балаларға арналған ойын алаңдары салынуда. Оның бірі Тараз қаласында болса, қалған екеуі Байзақ және Қордай аудандарында жүзеге асуда. Әр осындай кешеннің ауданы шамамен 1300 шаршы метрді құрайды.

Алаң аумағында жасанды көгалы бар футбол алаңы, workout-алаңшасы және балаларға арналған ойын алаңшалары қамтылған. Алаңның периметрі бойынша орындықтар орнатылуда. «Жобаның мақсаты – халықтың салауатты өмір салтын қалыптастыруына және олардың бос уақытын ұйымдастыруға ықпал ету. Бұл алаңдар тек жастардың ғана  емес, барлық отбасы мүшелерінің жиі келетін орнына айналады деп сенеміз», дейді «Самұрық-Қазына Траст» қорының өкілі Мирас Іргебаев. Пайдалануға берілгеннен кейін аталған нысандар олардың сақталуын және функционалдығын қамтамасыз ету үшін жергілікті атқарушы органдардың теңгеріміне тапсырылады.

 

Жамбыл облысы

Соңғы жаңалықтар

Ұқсас жаңалықтар