Эльмира Нұрмағамбетова басшылық жасайтын балабақша ұжымы қасиетті Рамазан айында арнайы ашылған есеп шотқа қаржы аударды.
Қайырымдылық шарасынан балабақшаның ата-аналары да қалыс қалмапты. Сауапты іске олар да өз үлестерін қосқан.
Көп ұзамай балабақша ұжымына Жетісай аудандық «Зекет қорының» жетекшісі Нұрқазы Нәлібаев қаражаттың бір бөлігіне Жетісай қаласындағы №119 мектепте орналасқан мұқтаж отбасыларға азық-түлік пен балаларға қажетті заттар алып берілгенін айтқан. Бұл жерде Мақтаарал ауданына қарасты Өргебас және Жеңіс ауылының тұрғындары жайғасқан.
Ал қаражаттың қалған бөлігіне тағы да тұрғындарға қажетті заттар алынып, балабақша ұжымының атынан Жетісайдағы азық-түлік қоймасына тапсырылған.
