Білім • 20 Мамыр, 2020

Қазақ балалары үздік «алтылықта»

31 реткөрсетілді

Әлемге мәшһүр Microsoft корпора­циясының «The next AI Guardians» халықара­лық байқауы биылғы қаңтарда басталған еді.  

Сонымен Қазақстандағы Сулеймен Демирел универси­тетінің студенттері мен магис­транттарынан құралған команда байқауға қатысып, екінші іріктеу кезеңінен кейін финалға шықты.

4 адамнан құралған команда «Емти­хандарды басқарудың жетілдірілген жүйесі» («Advan­ced Examination Management System») веб-қосымшасын әзір­леген. Аталмыш қосымша арқылы педагогтер емтихан үдерісін басқаруға (кеңейтілген редакторы бар сұрақтар мен жауаптар қызметін қолданып) және онлайн-емтихандар қа­был­дауға болады. Емтихан кезін­де веб-қосымша арқылы тере­зелер арасында ауысу, кө­шіру және кірістіру сияқ­ты браузердің қолдану белсен­ділігін қадағалау қарас­ты­рылған. Сондай-ақ фокус­ты, эмо­циялар мен қызығушы­­лық­ты бақылауға болады. Соны­мен қатар жүйе оқытушыға ем­ти­хан кезінде студенттің іс-әрекеті тұралы хабардар бо­лу­ға мүмкіндік береді және пла­гиатты анықтау және онлайн емтихан кезінде басқа күдікті әрекеттерді болдырмау үшін арнайы қызметімен жаб­дықталған. Қосымша арқылы емтихан аяқталғаннан кейін жиналған мәліметтерді (трекерлерден) машинамен оқыту алгоритмдерін пайдалана отырып талдауға, ұсынымдарды дайындауға және оқушылардың үлгерімін қадағалауға болады.

«Жоба идеясы маған нұс­қаушының көмекшісі болып жүрген кезде, онлайн-викторина ұйымдастыру барысында келді. Сол кезде мен ақылы плагинді қолданған едім, бірақ үмітім ақталмады, онлайн емтихандармен менің экс­периментім сәтсіз болып шық­ты. Сондықтан мен үшін емтиханды бағалауға байланысты қағаз жұмысын азайтуға және көшіруді анықтай алатын платформаны әзірлеу өте қызықты болды. Осы байқауда біз командамен «The next AI Guardians» байқауына өз концепциямызды ұсынып, финал­ға өттік», дейді команда­ның бір мүшесі Құрманғазы Қоңыратбаев.

Іріктеу кезеңінде қазақ­стандық команда норвегиялық қатысушыларға кеңес берген Microsoft-тың тәлімгерімен үздік­сіз жұмыс істеген. Оның көмегімен команда жобаның техникалық бөлімін дайындап, тиімді бизнес-модельді құрып, өзінің бәсекелестік ар­тық­шылықтарын бағалап, на­рық­қа шығу стратегиясын қа­лып­­тастырды. Microsoft-тың қазылар алқасын концепциямен таныстыру онлайн режімде өтті, нәтижесінде команда финалға шыққан алты үздік команда қатарына кірді.

Қазір команда мүшелері финалға дайындалып жатыр, тәлімгермен апта сайын онлайн кеңесіп, байқаудың финалында жеңіске жетуді жоспарлап отыр. AI University Virtual Boot­camp финалы 2020 жылдың 18 маусымында өтуі тиіс еді. Алайда қазіргі жағдайларға бай­­ланысты іс-шара онлайн фор­матқа көшіріледі. Финал­дың күні мен уақыты белгі­лен­­­генде, барлық 6 команда жо­­ба­­ларын онлайн режімде қорғайды.

«Қазақстандықтар­дың осы бай­­­қау­­дағы жетістіктерін мақ­­тан тұтамыз. Біз қоры­тын­ды ке­зе­ң­­нің бір бөлігі ретінде жос­­­­пар­­­лан­ған екі күндік хака­тонды әлі де өт­кізе аламыз д­еп үміт­тенеміз, қазір ол жағ­дай жақ­сарғанға дейін белгі­сіз мер­зімге ке­йін­ге қалды­рыл­ды. Сол кезде барлық алты ко­ман­да Мажарстанда, Буда­пешт қала­сында өтетін финал­ға қа­тыса алады. Ұйым­дас­тыру­шы­лар барлық қатысу шығын­да­рын өз мойнына алады», де­й­ді «Microsoft Қазақстан» ком­па­ния­сының білім беру сек­торы­ның жетекшісі Нұрлан Жәнібек.

Байқаудың негізгі мақ­саты – 29 елмен бірге Қазақ­стан Рес­публикасының универ­ситет­тері студенттерінің, зерттеуші­лері­нің және оқытушыларының шы­ғармашылық шешімдерін жа­­сан­ды интеллект (ЖИ) негі­зін­­де білім беру саласына енгізу.

 

АЛМАТЫ

 

Соңғы жаңалықтар

Ғасыр зұлматы

Қоғам • Кеше

Ұқсас жаңалықтар