«20 мамырда қазақстандық метрологтар әлемдік кәсіби қауымдастықпен бірге Дүниежүзілік метрология күнін атап өтеді. Мереке 1875 жылы Париждегі Метрикалық конвенцияға қол қою күніне орайластырылып, өнеркәсіптік, коммерциялық және қоғамдық қолданудағы өлшемдер туралы ғылым саласындағы жаһандық ынтымақтастықтың негізін қалады.

Бүгінде Қазақстан халықаралық деңгейде танылған тиімді метрологиялық инфрақұрылымға ие екендігін баса айтқым келеді.

Қалыптасқан дәстүр бойынша Халықаралық өлшемдер мен таразылар бюросы жаһандық саудаға арналған өлшемдер деген 2020 жылдың ұранын анықтады.

Таңдалған тақырыптың Қазақстан үшін де өзектілігін атап өткім келеді. Біздің елімізде алғаш рет өткен жылдың маусым айында Сауда және интеграция министрлігі құрылды, бұл ұлттық брендтер мен тауарлардың әлемдік нарықтарға шығуының мемлекет үшін маңыздылығын білдіреді.

Сауданың әділ болуына ықпалын, өнімге берілген сертификаттарға сенімді, бәсекеге қабілеттілікті арттыруды және қазақстандық өнімнің халықаралық танылуын қамтамасыз етудегі метрологияның рөлін асыра бағалау қиын.

Метрология аккредиттеумен, стандарттаумен және сәйкестікті бағалаумен қатар ұлттық сапа жүйесінің негізгі компоненттерінің бірі болып табылатынын ескере отырып, Министрлік саланы дамытумен айналысуды жалғастыруда.

Құрметті әріптестер!

Республикамыздың барлық мамандарын, сондай-ақ метрология ісіне өз талантын, білімі мен тәжірибесін арнап жүрген шетелдік әріптестерімізді кәсіби мерекемен құттықтаймын!

Сіздерге табыстар мен жаңа жетістіктер тілеймін» делінген хабарламада.