Аймақтар • 22 Мамыр, 2020

COVID-19: Қазақстандағы індетке қарсы күреске қосылған жобалар

22 реткөрсетілді

«Аяла» қайырымдылық қоры індетке қарсы күресте ірі демеушілерден, отандастарымыз аударған қаражат пен қор президенті Айдан Сүлейменованың 53 млн теңгедей жеке үлесінің арқасында 130 млн теңгеден астам қаражат тартып, 10 жобаны іске асырды.

«АЯЛА» қоры өз күшін 2 қалаға – Нұр-Сұлтан және Алматы қалаларына жұмылдырды. Өйткені мұнда COVID-19 жұқтырғандар саны неғұрлым көп және жаңа вирустан өлім көрсеткіші Қазақстанда ең жоғары болып отыр.

Қор алдымен медициналық жобаларға басымдық берді. Сондықтан коронавирустық инфекциямен күреске көмек көбінесе ауруханалар мен медицина персоналына бағытталды. Осының нәтижесінде Алматының 200-ден астам дәрігерлері азық-түлік түрінде және басқа да көмек алды. Алматыдағы ересектер мен балалардың жұқпалы ауру ауруханалары жаңа медициналық жабдықтарға қол жеткізді. Балалардың қалалық клиникалық жұқпалы аурулар ауруханасы «Шеврон» компаниясының демеушілік қолдауымен Жапонияда жасалған 2 жаңа ӨЖД аппаратын және Айдан Төлеутайқызы Сүлейменованың жеке қаражатына сатып алынған 10 жаңа көпатқарымдық 4 секциялы реанимация кереуеттерін алды. Қалалық клиникалық жұқпалы аурулар ауруханасы қор президентінен бес жаңа 4 секциялы реанимация кереуеттерін алды.

Қазақстанның бүкіл оқу орындары қашықтан оқытуға көшкен шақта «АЯЛА» қоры өз қамқорлығындағы мектеп-интернаттары, балалар үйлері және психологиялық-педагогикалық түзету кабинеттерімен жедел байланысқа шықты. Бұл мекемелердің басшыларынан қор қызметкерлері күнкөрісі төмен отбасылардың көптеген балаларына оқуын жалғастыруы үшін гаджеттер керек екенін білді. Нәтижесінде Нұр-Сұлтан және Алматы қалаларының білім беру мекемелерінің 40 баласы мен жасөспірімдері мобилді интернет қосылған жаңа планшеттер алды. Алматының 3 мектеп-интернатының 12 жасөспіріміне берілген планшеттер арманын іске асыруына – «Арыстан» арнайы әскери лицейіне түсуіне көмектеседі.  

«Аяла» қоры Samsung компаниясының қолдауымен Алматыдағы 40 ҰОС ардагеріне ай сайын азық-түлік пен дәрі-дәрмекті тегін жеткізіп беруді қамтамасыз етті. Ал 9 мамыр күні оларға ерлігі үшін шексіз алғыс айтып, жеміс-жидек салынған себеттерді қосымша таратты.

Жаңа бастамалардың бірі – тұрмысы нашар отбасылармен жұмыс болып отыр. Нұр-Сұлтан және Алматы қалаларының әкімдіктерімен үйлесімдіктің арқасында көмекке өте мұқтаж отбасылар анықталды. Осының арқасында мұқтаждығы айрықша балаларды тәрбиелеп отырған 150-ден астам отбасы жалпы 3,6 млн теңгеден асатын сомаға азық-түлік қоржындарын алды. «Аяла» қоры бұл қоржындарға сүт өнімдерінің, ірімшік, шұжық, жемістер мен гигиена заттарының, оның ішінде жөргектердің салынуын қадағалады. Енді осы отбасыларға жаңа киім-кешекпен қолдау көрсету жоспарланып отыр.

«Бiз бiргемiз – бүкіл қазақстандықтарды біріктерген ортақ идея және құндылық. Індетпен күреске өз үлесімызді қосып отырғанымызға қуаныштымыз. Біздің бастамаларымызға қолдау көрсеткені үшін ірі демеушілерімізге – «Шеврон», Samsung компанияларына, Еуразия Орталық Азия Қорына жеке алғысымды білдіргім келеді. Және қалыптасқан экономикалық қиын жағдайға қарамастан, «Касса24» терминалдарындағы аударым арқылы қорға көмек беруін жалғастырған барлық қазақстандықтарға алғыс айтамын. Осы жұмыла жұмсаған күшіміз небәрі 2 айдың ішінде 10 үлкен әрі маңызды жобаларды іске асыруымызға себепші болды. Көмекке өте зәру адамдарға қолдау көрсетілді. Біз медицина мекемелерімен, мектеп-интернаттармен, балалар үйлерімен және ППТК жұмыс жүргізуді жалғастырамыз. Коронавирустық инфекцияның салдарын бірге жеңуіміз үшін бізге жәрдем беруді жалғастыруларыңызды сұраймын», – деді «Аяла» қорының презизденті Айдан Сүлейменова.

 

 

 

АЛМАТЫ

Соңғы жаңалықтар

Кім қалай оқып жүр?

Әдебиет • Бүгін, 12:02

ҚПЛ бір командаға азайды

Спорт • Бүгін, 08:17

Тарихқа таразы болар бастама

Саясат • Бүгін, 08:04

Жүйелі жұмысты қажет етеді

Саясат • Бүгін, 08:01

«Balapannan» базарлық

Қоғам • Бүгін, 07:23

Жетім бұрыштағы жеті нота

Өнер • Бүгін, 07:20

Алаштың асыл перзенті

Руханият • Бүгін, 07:07

Үш өлең

Әдебиет • Бүгін, 06:57

Ұқсас жаңалықтар