Өткен аптада Ақмола өңірінде орналасқан аталмыш орталықтардың бәрі өз жұмысын жандандырды. Коронавирус пандемиясы жағдайында да орталық барлық 642 мемлекеттік қызметті ұсынды. Оның ішінде бұрынғыдай күніне мыңнан астам адамға қызмет көрсету ақмолалықтар мен біздің еңбеккерлердің өмірі мен денсаулығына қауіп төндіреді. Олар бұл қызметті онлайн түрінде ала алады.
Осы орайда, халыққа қызмет көрсету орталықтары жұмысының тәртібін өзгерту жөнінде шешім қабылданды. Бұл жаңалық орталықтарда көрсетілетін мемлекеттік қызмет түрлерін, форматы мен оның ұсынылуын қамтыды. Жаңа концепцияға сәйкес, электрондық форматта алынбайтын қызметтіорталықтардан қағаз түрінде алуға болады. Қызмет нәтижесі алдын ала egov.kz. порталында толтырылады,–деген филиал директоры бүгінгі күні мемлекеттік қызмет тізілімі 694 мемлекеттік қызметті құрайтынын, оның 80 пайызын электрондық үкіметтің порталынан алуға болатынын айтып өтті. Енді Көкшетау қаласының халыққа қызмет көрсету орталықтарында тек 97 мемлекеттік қызмет көрсетіледі. Олар бүгінгі күнге дейін электрондық үкіметтің порталында автоматтандырылмағандықтан, қызмет қағаз түрінде көрсетіледі. Көкшетау қаласындағы орталықтарға бару үшін egov.kz порталындағы«eGovKzBot2.0 телеграм-боте» арнайы сервис немесе 1414 нөмірі арқылы алдын ала кезекке тұру қажет.
–Бронь тек қызмет алушының ЖСН-ынан жасалады. Егер азамат бронды алдын ала алмайорталыққа келетін болса,оған мұнда кезекке тұруды ұсынады. Дегенмен, әрдайым бұл уақытта орталықта бос терезе болмауы мүмкін. Бұл жағдайда азамат өз уақытын күтеді немесе келесі күнге брондау арқылы кезекке тұрады. Алдын ала жазусыз қызмет көрсетілмейді. Мұндай жұмыстың үрдісі кезекте тұрған азаматтардың көбеюіне жол бермейді. Әр қызмет алушы брондалған уақытында келетін болады. Сөйтіп, азаматтар ұзын-сонар кезекте тұрмай, орталыққа бару уақытын жоспарлай алады. Қызметтерді egov.kz порталынан алуға болады. Көкшетаулықтар оны үйде немесе кеңседе ала алады.
Ол үшін электрондық-цифрлық қол алуы қажет. Қолды бүгінгі күні egov.kz. порталынан алуға болады. Электрондық үкімет порталын пайдалану жөнінде мәселелер туындаған жағдайда азаматтар 1414 бірыңғай байланыс орталығымен немесе порталдың виртуалдық ассистентімен хабарласа алады. Сондай-ақ, компьютері жоқ қала тұрғындары үшін орталықтан тыс egov.kz өз өзіне қызмет көрсетудің 8 орыны ашылған. Олар жұмыспен қамту, білім бөлімдері мен кәсіпкерлер палатасында орналасқан. Мұндай орындар саны қалада көбейе түспекші. Орталықтағы электрондық қызметті зейнеткерлер, көпбалалы отбасылар, мүмкіндігі шектеулі адамдар алады. Олар үшін әр фронт кеңседе жеңілдік терезесі жұмыс істейді. Олар орталыққа келу үшін кезегін брондау қажет.
Біз орталықтың еңбеккерлерімен 1414 колл-орталығын және egov.kz порталындағы бейнетелефон шалуды қабылдайтын байланыс орталығын ұйымдастырдық. Мұнда орталық операторлары бейне байланыспен ПЭП қызметін алуға көмектеседі. Бұл жаңалық тек қана Көкшетау қаласында орналасқан халыққа қызмет көрсету орталықтарына қатысты.
Өзге қала мен аудан орталықтарында орналасқан орталықтар бұрынғыдай өзгеріссіз жұмыс істейді. Бүгінгі күні жұқпалы аурудың таралуына жол бермеу мақсатында азаматтарды орталыққа шағын топпен кіргізеді. Жалпы, орталық барлық санитарлық-гигеналық нормаларды сақтап жұмыс істейді. Міндетті түрде бетперде тағу қажет. Орталықта санитайзерлер орнатылып, антисептиктер қойылған,–деп сөзін қорытындылаған филиал директоры Бауыржан Ерімбетов бұдан кейін журналистердің сауалына жауап берді.
