Аймақтар • 26 Мамыр, 2020

Жетісулықтар Мақтааралға тағы да көмек керуенін жөнелтті

151 рет
көрсетілді
1 мин
оқу үшін

Бүгін Алматы облысының аумағынан Түркістан облысына қарай 4 жүк көлігі жолға шықты. Бұл жолы жетісулықтар жинаған қаржыға тұрғын үй құрылысына қажетті материалдар алынып, жөнелтілді.

Жетісулықтар Мақтааралға тағы да көмек керуенін жөнелтті

Бұған дейін облыс тұрғындары Мақтаарал ауданына азық-түлік, киім-кешек және құрылыс қоспалары тиелген керуен жіберген еді. Ол істің басында облыстың Жастар саясаты басқармасының ұжымы жүрген болатын. Жетісу еріктілерінен құралған топ су тасқынынан зардап шеккен аймақта жұмыс істеп, құрылысқа көмек беруде. Ал бұл жолғы қайырымдылық керуені «Nur Otan» партиясы Алматы облыстық филиалының бастамасмымен жасақталған екен.

-Облыс әкімі Амандық Баталов апатты аймаққа көмек көрсету бастамасын көтергелі бері,Жетісудағы  кәсіпкерлер де, қарапайым тұрғындар да қайырым жасауға үлес қосып жатыр. Бүгінге дейін 400 тоннаға жуық гуманитарлық жүк жиналған. Оның алғашқы легі Мақтаарал ауданына жетті. Екінші кезекте құрылысқа қажетті материалдар жинап, 82 тонна жүк жөнелттік. Мұнда құрғақ қосаплар, кірпіш, ағаш сияқты үй құрылысына қажетті заттар бар. Қайырым көмегі мұнымен тоқтамайды, жалғаса береді, - дейді  «Nur Otan» партиясы Алматы облыстық филиалы төрағасының бірінші орынбасары Жанболат Жөргенбаев.

 

Алматы облысы

Соңғы жаңалықтар

Су үнемдейтін қондырғы

Технология • Кеше