Қоғам • 27 Мамыр, 2020

Конвенция принциптеріне сәйкес құжат

8 рет көрсетілді

Ақпарат заманында көбі өзгеріп, оңтайлана түсті. Сондықтан азаматтық қоғамның ережелері де өзгерді. Бұл дегеніміз азаматтардың бейбіт жиындарға, өз ойын айтуға деген көзқарасы түрлене түсті. Сондықтан бұл процесті ілгерілеу деп түсінуіміз қажет.

Заң қабылданғаннан кейін азаматтардың сөз бостандығы мәселесін реттеп, бейбіт жиындар өткізуді жеңілдетпек. Бұған дейін айтқанымдай, бейбіт жиындар азаматтарымыз үшін қалыпты нәрсеге айналады. Әрине бұған уақыт керек.

Бейбіт жиындар өткізу туралы өтінішті беру уақыты да қысқартылды. Либе­рализация нәтижесінде енді өтінішті 15 күн бұрын емес, 5 күн бұрын беру де жет­кілікті. Жиын өткізетін орын­дардың да халыққа ың­ғай­лы, инфрақұрылымдық объек­тілерді қолдану мүм­кін­дігі болуы керек. Сонымен қа­тар әкімдіктер аталған жер­­лерде басқа шаралар өткі­зіліп жатса хабар беріп, ақ­па­рат таратып тұруы керек. Оған қоса демонстрация мен шеру сияқты жиындар өткіз­бес бұрын жергілікті атқа­­ру­шы билікті құлағдар ету де азаматтардың жұмы­сын жеңілдетпек. Өйтке­ні көшелерді жауып, жүр­гін­шілер мен жүргізушілерге ке­дергі келмеуі керек. Ха­лық­аралық пактілер мен Конс­титуцияға сәйкес, митингтер құқығы басқалардың құ­қы­ғын шектемеуі керек. Яғ­ни, басқа тұрғындардың жұ­мы­сы тоқтап, жолынан қалу сияқ­ты олқылықтар болмауы тиіс.

Тағы бір назарға алатын жайт – журналис­тер­дің жұмысы. Бейбіт жиындар кезінде жур­на­­лис­тердің жұ­мысын шектейтін ережелер то­лықтай қысқартылды де­сек болады. Құ­жат­тар­ға қатысты талаптар да оңтай­лан­дырылды.

Ал жиындарды тоқтату мәселесіне келсек, адам өмірі мен денсаулығына қауіп төнген жағдайда, мемлекет мүлкі зақымдалғанда, арнайы орынға жиналғандар саны шектен асса, жиынды тоқтауға рұқсат бар.

Мұндай нақты шектеулер көрсетіліп, белгіленгені дұ­рыс. Жалпы, жаңа заң Адам құ­­қықтарын қорғау жөнін­дегі еуропалық конвенция принциптеріне де сәй­кес келеді. «Тыйым са­лын­ба­ған­­ның бәріне рұқсат» пен «аза­­маттың құқығы екін­ші аза­маттың құқығын шек­темеуі» керек деген адам құқық­­тарының басты екі прин­­ци­пі негізге алынған.

 

Марат БАШИМОВ,

Еуропалық құқық және адам құқықтары институтының директоры

Соңғы жаңалықтар

Янайкинге “нағыз қазақ”

Аймақтар • Бүгін, 21:48

Атырауда 42 көшеге жол төселеді

Аймақтар • Бүгін, 20:28

Алматы маңында жер сілкінді

Аймақтар • Бүгін, 16:10

Биыл Құрбан айт қалай өтеді?

Қазақстан • Бүгін, 10:17

COVID-19: Жерлеу қалай жүріп жатыр?

Қазақстан • Бүгін, 09:39

Ұқсас жаңалықтар