Мыңнан астам елорда тұрғыны COVID-19-дан емделіп шықты

Аймақтар • 28 Мамыр, 2020

Мыңнан астам елорда тұрғыны COVID-19-дан емделіп шықты

31 рет көрсетілді

Нұр-Сұлтанда 1 077 дәрігер коронавирус инфекциясымен күресуде. Қала бойынша осы қауіпті індетпен ауырған 1 764 адам тіркелген, деп хабарлайды елорда әкімдігінің ресми сайты.

Egemen Qazaqstan

Бүгінде коронавирустық жағдай статистикасы оң нәтиже көрсетуде: емделіп шыққандар саны күн санап өсуде. Қазіргі уақытта Нұр-Сұлтанда күн сайын коронавирус инфекциясының алдын алуға және тарауына жол бермеуге бағытталған жоспарлы іс-шаралар өткізілуде.

Қауіпті инфекциямен күреске қала бойынша 1 077 дәрігер тартылған. Алайда мамандар босаңсуға ерте екенін ескертеді. Олардың айтуынша, халықтың осы ауруға деген немқұрайлы қатынасы індеттің қайта өршуіне алып келуі мүмкін. Оны тек дәрігерлер ұсынған нұсқамаларды қатаң сақтағанда ғана болдырмауға болады. Негізгі ережелер, бұрынғыдай, қоғамдық көлікте, адамдар көп жиналатын жерлерде, саябақтарда, сауда үйлерінде маска тағу және антисептик пайдалану. Д

әрігерлер кезекте, дүкенде немесе саябақта серуендегенде, үй-жайларда маска тағу режимін сақтау, топтанып жиналмау, өздерін және айналасындағыларды қорғау өте маңызды екенін атап өтті. Қалыпты өмір ырғағына тезірек оралу әрбір қазақстандықтың жауапкершілігіне тікелей байланысты.

Тәртіп сақшылары еріктілермен бірге қала бойынша күнделікті рейд жүргізеді. Мобильді топтар қалалық саябақтарды, скверлерді, сауда үйлерін, автобустарды патрульдейді және тұрғындарға карантин режимін сақтау, маска кию қажетін түсіндіреді.

Күннің маңызды және өзекті жаңалықтарын «Егемен Қазақстан» телеграм каналынан оқыңыз