17 маусымда 28 турдың кейінге шегерілген кездесулері өтеді. Бұл бәсекелерде «Манчестер Сити» мен «Арсенал» және «Астон Вилла» мен «Шеффилд Юнайтед» клубтары шеберлік байқасады. 19 маусымда 30 тур ойындарын теледидардан тамашалаймыз. Бұл кездесулердің барлығы да көрермендерсіз өтеді.
Англия чемпионаты тоқталығанға дейінгі жағдайға келсек, қоржынында 82 ұпайы бар «Ливерпуль» жеке-дара көш бастап тұр. Енді оларды ешкімнің қуып жете алмайтыны анық. Екінші орындағы «Манчестер Ситидің» «Ливерпульден» бақандай 25 ұпайы кем. Алайда қалалықтар басты қарсыласынан бір ойын кем өткізді. Үшінші орында - «Лестер». Олар 53 ұпай жиып үлгерді. Сондай-ақ, «Челси» (48 ұпай) мен «Манчестер Юнайтед» (45 ұпай) үздік бестіктің санатында. Ал көш соңындағы «Норвичтің» небәрі 21 ұпайы ғана бар.
