Аймақтар • 01 Маусым, 2020

Ақмолалықтар Мақтааралдағы ағайынға көмек көрсетіп жатыр

125 рет
көрсетілді
1 мин
оқу үшін

Атбасар ауданынан Мақтааралдағы су тасқынынан зардап шеккен тұрғындарға 45 тонна гуманитарлық көмек жіберілді.

Ақмолалықтар Мақтааралдағы ағайынға көмек көрсетіп жатыр

Өңір халқы 2 млн теңгеге жуық қаржы жинаған, оған қоса 20 тонна азық-түлік  тиеген көлік таяуда жолға шықты. Атбасарлықтар су тасқынының зардабын бірнеше рет көрген. Сондықтан су тасқынының не екендігін, баспанасыз қалудың қайғысын жақсы біледі. Олар апат орын алған соң, көп ұзамай 25 тонна гуманитарлық көмек жөнелткен. Бұл жолы сапарға шыққан екінші жүк көлігі де 20 тонна азық-түлік пен тұрмысқа қажетті бұйымдар жеткізеді.

Өңірдегі ауыл шаруашылығы нысандары ортақ іске елеулі үлес қосып отыр. Олар ұн, өсімдік майы, макарон өнімдері, қант пен өзге де азық түлік-түрлерін ұсынған.  Бір айда, Атбасар тұрғындары Мақтааралға 9 млн теңгенің көмегін көрсетті.    

Соңғы жаңалықтар

Су үнемдейтін қондырғы

Технология • Кеше