Алматының теміржол вокзалдары жұмысын бастады

Аймақтар • 01 Маусым, 2020

Алматының теміржол вокзалдары жұмысын бастады

50 рет көрсетілді

2020 жылдың 1 маусымынан бастап карантин шараларының бәсеңдеуіне байланысты қалааралық жол қатынастары жанданады, соның ішінде поездар жүре бастайды. Билеттерді сату 15 мамырдан қолға алынған болатын. Сондықтан Алматы-1 және Алматы-2 теміржол вокзалдары жұмыстарын бастайды.

Арман ОКТЯБРЬ

Айта кетерлігі, коронавирус пандемиясы жағдайында «Алматыэлектротранс» ЖШС санитарлық қауіпсіздіктің барлық шараларын қатаң сақтауды негізге алып отыр.

Осы ретте азаматтар қандай талаптарды ұстанған жөн?

-Коронавирус пандемиясы барысында теміржол вокзалдары қалай жұмыс істейтін болады?

-Көліктегі санитарлық нормалардың барлығы сақталады. Вокзалға кіреберісте тепловизордың көмегімен жолаушылардың температурасы өлшенеді. Вокзалға толықтай санитайзерлер орнатылған, қызметкерлер маскамен және қолғаппен жұмыс істейді, кесте бойынша дезинфекциялық заттармен нысан іші мұқият өңделеді. Вокзал ішінде әлеуметтік қашықтықты сақтау үшін арнайы белгілер мен қоршаулар қойылған.

-Жолаушыларды шығарып салушылардың ішке кіруіне бол ма?

-Жоқ, болмайды. Қауіпсіздік ережелері бойынша вокзал ішіне тек қолындағы билетімен жолаушылар ғана кіре алады, шығарып салушылар ішке жіберілмейді.

-Теміржол кассалары қалай жұмыс істейді?

-Билет сататын кассалар кесте бойынша таңғы сағат 9.00 ден 24.00-ге дейін жұмыс жасайды. Билет алуға ниет білдірген жандар үшін кіретін жеке есік қарастырылған. Әлеуметтік қашықтықты сақтау үшін болашақ жолаушылар төрт адамнан жіберіледі.

Күннің маңызды және өзекті жаңалықтарын «Егемен Қазақстан» телеграм каналынан оқыңыз