Аймақтар • 03 Маусым, 2020

Пандемия кезінде қайырымды жандар көбейді

19 рет көрсетілді

Әлемдік пандемия кезінде ел Президенті барлық ұйымдарға, кәсіпкерлерге өз отандастарына барынша қолдау көрсетуге және көмек көрсетуге шақырғаны белгілі. Бұрын-соңды болмаған жағдай талай адамды бей-жай қалдырмады.

Бұл идеяны қиын кезеңде бір-біріне жанашырлық таныту, қамқор болу, бірлікті сақтау парызымыз деп білетін волонтерлік, қайырымдылық және басқа да ұйымдар, жеке кәсіпкерлер, мемлекеттік органдар қолдады. Әркім өз тарапынан көрсете алатын барлық қызметін көрсетіп жатыр.

«Азаматтарға арналған үкімет» мемлекеттік корпорациясының қызметкерлері Қазақстан азаматтарына мемлекеттік қызметтерді онлайн ұсыну, әлеуметтік төлемдер жасауда үздіксіз, үзіліссіз жұмыс істесе, аталмыш мекеме үшін де қызмет еткендер болды.

Алматы ХҚО-лары екі айдан кейін 25 мамыр күні қайтадан өз есігін ашты. Әлі де цифрлық қызметтерді алуға дағдылана қоймаған тұрғындар, алғашқы күні-ақ ХҚО-ларға лап қойды. Мұндайда карантин  кезіндегі сақтық шараларын сақтауды ескермейтіндер де табылып жатты. Осындай кезде Алматы қаласының ІІД қызметкерлері көмекке келіп, азаматтардың тәртіп шараларын сақтауына үлес қосты. Әсіресе, Жетісу аудандық ІІБ қызметкерлеріне, бөлім басшысының бірінші орынбасары Ерлан Арғымбаевты бөле-жарып атауға болады. Бөлім қызметкерлері әр күні таңғы 9-дан кешкі 20-ға дейін кезекшілікпен қызмет көрсетуде.

«Жақсының жақсылығын айт, нұры тасысын» демекші, Жетісу ауданы әкімі Мақсат Қиқымовтың ұжымымызға көрсеткен қолдауы үшін, шын жүректен алғысымды білдіремін!» - деп жазды фейсбуктағы парақшасында «Азаматтарға арналған үкімет» мемлекеттік корпорациясы Алматы қаласы филиалының директоры Данияр Қырықбаев.

«Жетісу ауданының Әкімі Қиқымов Мақсат Сәкенұлының аудандағы ХҚО мен №3 Мамандандырылған ХҚО-ға  көрсетіп отырған қамқорлығын ерекше айтқым келеді. Мұндағы қызмет алуға келушілердің денсаулық жағдайын ойластырып, фронт-офисте дәрігерлік бұрыш ашып, ол жерде дәрігерлердің кезекшілігін ұйымдастыруға ықпал етті. Үйінде электрондық қызмет алу мүмкіндігі жоқ аудан тұрғындары үшін ХҚО-дан тыс орындарда өзіне-өзі қызмет көрсету секторларын ашып берді. Сонымен қатар, Жетісу аудандық фронт-офиске келушілердің дене қызуын өлшейтін тепловизор аппаратымен де аудан әкімі Мақсат Сәкенұлы қамтамасыз еткенін айтқым келеді» – дейді ол.

«Осындай қиын-қыстау кезде халықтың бір жағадан бас, бір жеңнен қол шығару – ата-бабаларымыздан ұрпаққа беріліп келе жатқан жақсы қасиет. Осындай ауызбіршілік арқасында барлық қиындықтарды жеңетінімізге сенемін...» – дейді филиал директоры.

 

 

 

АЛМАТЫ

Соңғы жаңалықтар

Салт атты полицияның көмегі зор

Аймақтар • Бүгін, 19:10

Ұлттың батыр ұланы

Қазақстан • Бүгін, 18:33

Ұлттық болмысты кестелеген...

Руханият • Бүгін, 18:27

Елордада карантин ұзартыла ма?

Аймақтар • Бүгін, 16:35

Әлемдік экономика реформаланады

Экономика • Бүгін, 16:14

Шығыс Қазақстанда жер сілкінді

Аймақтар • Бүгін, 15:15

Бас қала тарихы қамтылған көрме

Руханият • Бүгін, 13:36

260 науқас реанимацияда жатыр

Қазақстан • Бүгін, 11:50

Шекарада шектеу бар

Қазақстан • Бүгін, 11:13

Ұқсас жаңалықтар