Қыздар университеті үздік педагогикалық оқу орнының қатарына енді

Білім • 03 Маусым, 2020

Қыздар университеті үздік педагогикалық оқу орнының қатарына енді

28 рет көрсетілді

Білім сапасын қамтамасыздандыру бойынша тәуелсіз агенттігі Қазақстанның үздік университеттерінің жыл сайынғы Ұлттық рейтингін жасады. Арнайы жүргізілген сараптама нәтижесі бойынша Қазақ ұлттық қыздар педагогикалық университеті 88,30 балл жинап, еліміздегі екінші үздік педагогикалық оқу орнының сапына енді, деп хабарлады оқу орнының баспасөз қызметі.

Айнаш ЕСАЛЫ

Бұл – Қыздар университетінің профессор-оқытушылары мен білікті қызметкерлерінің табысы. Рейтинг жан-жақты және академиялық белсенділікті, студенттердің үлгерім көрсеткіштерін, профессорлық-оқытушылық құрамның жұмысын, ғылыми-зерттеу және инновацияларды, халықаралық ынтымақтастықты, ақпараттық қолдауды, түлектердің жұмысқа орналасу нәтижелерін, сондай-ақ бағалауды қамтиды. Сонымен қатар жұмыс берушілердің беделі мен тәуелсіз сарапшылардың пікірі және студенттер мен түлектердің пікірлері де ескерілді.

– Қыздар университетін институционалды рейтингті есептеу әдістемесі бес компонентке негізделіп жүргізілді. Бірінші компонент оқу орнының академиялық қызметі, екінші компонент сарапшылар бағасы, үшінші компонент жұмыс берушілер репутациясы, төртінші компонент студенттер бағасы және бесінші компонент түлектер бағасы деп аталады. Бұл көрсеткіштер бойынша ҚызПУ жоғары балл жинап, Абай атындағы Қазақ ұлттық педагогикалық университетінен кейінгі екінші орынды алды, – деп атап өтті оқу орнының Баспасөз және қоғаммен байланыс бөлімінің басшысы Жандар Асан.

Рейтинг қорытындысымен IQAA-Ranking агенттігінің ресми интернет-ресурсынан танысуға болады.

Күннің маңызды және өзекті жаңалықтарын «Егемен Қазақстан» телеграм каналынан оқыңыз