Аймақтар • 04 Маусым, 2020

Қызылордада: Кәсіпкерлерге 6,5 млрд теңге шамасында жеңілдік берілген

274 рет
көрсетілді
2 мин
оқу үшін

Бұл туралы Кәсіпкерлер палатасы алаңында Facebook әлеуметтік желісінің «Бизнес в Кызылорде и Кызылординской области» тобындағы тікелей эфирде кәсіпкерлер сауалына жауап берген облыс бойынша мемлекеттік кірістер департаментінің басшысы Ғалымжан Орынов айтты. Тікелей эфирге Кәсіпкерлер палатасының директоры Ғалымбек Жақсылықов та қатысты.

Қызылордада: Кәсіпкерлерге 6,5 млрд теңге шамасында жеңілдік берілген

Мемлекеттік кірістер департаментінің басшысы төтенше жағдай кезінде бизнеске қолдау көрсету мақсатында қабылданған Үкімет қаулыларын негізге алына отырып, облыс көлемінде салықтар мен төлемдер бойынша бизнес-субъектілеріне 6,5 млрд теңге шамасына жеңілдік берілгендігін жеткізді.

Ғалымжан Орыновтың айтуынша, осы жылдың 20 наурызынан бастап 31 желтоқсанға дейін өңірде алаңы 2000 шаршы метрден кем емес 29 ірі сауда нысаны, 3 ойын-сауық орталығы, 2 театр, 2 көрме залы, 8 спорт құрылыс жайы мүлікке салынатын салықтан босатылған. Осы уақыт аралығында ауылшаруашылық өнімін өндіруші 37 компания жер салығынан босатылып отыр.

Жеңілдіктер талабына сәйкес осы жылдың 1 сәуірінен 1 қазанға дейін аймақтағы әуежай терминалы, жеке практикамен айналысатын 20 адам, қоғамдық тамақтандырумен айналысатын 201, қонақ үй қызметі саласындағы 43 кәсіпкер мүлік салығын төлемейді.

Облыстық мемлекеттік кірістер департаментінің басшысы мұнымен қоса, 8427 шағын және орта бизнес өкілдері еңбекақы төлеу қорынан ұсталатын салықтан, әлеуметтік төлемдерге қатысты жеңілдіктер қолдану арқылы босатылғандығын жеткізді. Нәтижесінде жоғарыда аталған шағын және орта бизнес өкілдері еңбекақы төлеу қорынан ұсталатын салықтан 1 млрд 79 млн теңге, әлеуметтік төлемдерден 1 млрд 853 млн теңге, 7 ірі кәсіпкерлік субъектісі еңбекақыдан ұсталатын салықтан 8,1 млн, әлеуметтік төлемдерден 103,3 млн теңге қаржысын үнемдеп отыр екен.

Соңғы жаңалықтар

Су үнемдейтін қондырғы

Технология • Кеше