Аймақтар • 04 Маусым, 2020

16 жыл қызмет етіп, Президенттің Алғыс хатын алды

242 рет
көрсетілді
1 мин
оқу үшін

4 маусымда Атырау облыстық орман шаруашылығы және жануарлар дүниесі аумақтық инспекциясының мемлекеттік инспекторы Сүндетов Орынбек Кенжеғалиұлына Мемлекет басшысы Қасым-Жомарт Тоқаевтың Алғыс хатын Орман шаруашылығы және жануарлар дүниесі комитетінің төрағасы Асхат Қайнарбеков табыстады.

16 жыл қызмет етіп, Президенттің Алғыс хатын алды

Президент Қасым-Жомарт Тоқаев инспектор Сүндетов Орынбектің ұзақ жылдары бойы қоршаған ортаны қорғауға, браконьерлік пен заң бұзушылыққа қарсы күреске күш-жігерін жұмсап, еліміздің табиғи байлығының сақталуы мен молаюына үлкен үлес қосқанын ерекше атап өтті.

Орынбек Сүндетов он алты жыл бойы Атырау өңірінің флорасы мен фаунасын қорғауда. Ол еңбек жолын Орал-Каспий облысаралық бассейндік балық шаруашылығы басқармасынан бастап, бүгінде Атырау облыстық орман шаруашылығы және жануарлар дүниесі аумақтық инспекциясының Теңіз инспекциясында бас маманы қызметін атқаруда.

Мемлекет басшысының тапсырмасымен 2019 жылы браконьерлік үшін жазаны қатаңдату бойынша Қылмыстық, Қылмыстық-процестік кодекстеріне өзгертулер енгізіліп, табиғат қорғау инспекторлардың құзыреті кеңейіп, қажетті материалдық-техникалық базасы жаңартылуда.

«Табиғатты қорғауға бар күш-жігерін аянбай жұмсайтын Орынбек Кенжеғалиұлы секілді азаматтардың арқасында Қазақстанның жануарлар мен өсімдіктер дүниесі сақталуда», - деп атап өтті Асхат Қайнарбеков.

Соңғы жаңалықтар

Су үнемдейтін қондырғы

Технология • Кеше