Аймақтар • 05 Маусым, 2020

Ақмолалық диқандар көктемгі егісті аяқтады

15 рет көрсетілді

Облыс бойынша тұқым шаруашылығы саналатын Сандықтау ауданындағы «Каменка және Д» серіктестігінің егіншілері  дән сіңіру жұмыстарын агротехникалық шараларға сай екі аптаның ішінде аяқтады.

Мамырдың алғашқы аптасында алқап басына шыққан шетелдік 9 агрегат 16 мың гектар жерге дән сіңірді.    

–Әр жылдың өз ерекшелігі бар. Биыл көктем ерте шықты. Сол себепті агрегаттарды құрғақ алқаптарға шығардық. Мол өнім дәнді дақылдардың сұрпына сайланысты. Биыл «Омск-28», Орал-Сібірлік «Любава-5» және «Боевчанка» бидай тұқымдарын пайдаландық. Олар біздің орманды өңірдің ауа райы үшін қолайлы, – дейді серіктестіктің бас директоры Алексей Джейранов.  

Тұқым сеуіп біткен күннің ертеңінде серіктестіктің механизаторлары пар жыртуға кірісіп кетті. Бұл шара да болашақ мол өнімнің кепілі.

–Біз жыл сайын 5 мың гектардан астам жердің парын жыртамыз. Бұл жұмыс агротехникалық шараларды жасау мерзімінде өтуі тиіс. Тағы бір айта кететін жәйт, біз-екі үш жылдан бері химиялық тыңайтқышты азайттық, – дейді агроном Сергей Тюков.  

Ауа райын болжаушылар бірер күнде жаңбыр жауады деген қуанышты хабар айтуда. Осы сөз диқан көңілін демдеп тұр.

 

Ақмола облысы

Соңғы жаңалықтар

Жамбыл жылы жырлайды

Руханият • Кеше

Қай салада жалақы өсті?

Экономика • 27 Ақпан, 2021

Ресей азаматтары алғыс айтты

Аймақтар • 26 Ақпан, 2021

Ұқсас жаңалықтар