Мегаполис басшысы жұма күні құрылысы жүріп жатқан жаңа мешітке барып, істің аяқ алысына қанықты.
«Мешіт бір мезгілде жеті мың мұсылманды қабылдай алады. Қаладағы ең үлкен діни ғимарат ағарту һәм рухани жер ғана емес, мегаполистің архитектуралық маржандары арасында да лайықты орынға ие болады», деп жазады қала әкімі.
Имандылықтың келесі үйі Рысқұлов пен Момышұлы көшелерінің қиылысында орналасқан.
Мешіттің аумағы 6,3 гектар жерді алып жатыр, ал мешіт ғимараты – 16 мың шаршы метр. Амандық болып, Алла бұйыртса, мешіт 2021 жылдың аяғында мұсылмандар игілігіне берілуі тиіс.
АЛМАТЫ
