Бірқатар облыста ауа райына байланысты ескерту жарияланды

Қазақстан • 05 Маусым, 2020

Бірқатар облыста ауа райына байланысты ескерту жарияланды

389 рет көрсетілді

Ақтөбе, Маңғыстау, Шығыс Қазақстан, Атырау, Түркістан, Қызылорда облыстарында қолайсыз ауа райына байланысты ескерту жарияланды. Бұл туралы «Қазгидромет» РМК баспасөз қызметі хабарлады.

Egemen Qazaqstan

«Қазгидромет» РМК мәліметтеріне сәйкес, 6 маусымда Ақтөбе облысының кей жерлерінде найзағай күтіледі. Оңтүстік-шығыстан, оңтүстіктен соққан желдің жылдамдығы 18 м/с жетеді.

Маңғыстау облысының кей жерлерінде күн күркіреп, найзағай жарқылдайды. Солтүстік-батыстан соғатын желдің жылдамдығы кей жерлерде 15-20 м/с жетеді.

6 маусымда түнде Шығыс Қазақстан облысындағы таулы жерлерде жаңбыр жауады, арты қарға ұласуы мүмкін. Кей жерлерде найзағай ойнап, дауыл соғады. Күндіз бұршақ жаууы мүмкін. Солтүстік-батыстан, солтүстіктен cоғатын желдің күші кей жерлерде 15-20, күндіз екпіні 25 м/с жетеді. Сондай-ақ Өскеменде найзағай ойнап, күндіз бұршақ жауады. Солтүстік-батыстан, солтүстіктен соққан желдің екпіні 15-18 м/с жетеді. 6 маусымда Семейде найзағай ойнап, күндіз бұршақ жаууы мүмкін. Солтүстік-батыстан, солтүстіктен соққан желдің екпіні 15-18 м/с жетеді.

6 маусымда түнде Атырау облысының кей жерлерінде найзағай, күндіз шаңды дауыл со,ады. Солтүстік-батыс, солтүстіктен соғатын жел жаңбыр кезінде 15-20 м/с жетеді.

Атырау қаласында күн күркіреп, найзағай жарқылдайды.

Түркістан облысының кей жерлерінде шаңды дауыл соғады. Шығыстан тұрған желдің жылдамдығы 15-20, екпіні 25 м/с күшеюі мүмкін. 6 маусымда күндіз Шымкентте шығыстан екпіні 15-20 м/с жел соғады. 6 маусымда Түркістан қаласында шығыстан соққан желдің жылдамдығы 15-20 м/с жетеді. 6 маусымда Қызылорда облысында солтүстік-шығыстан жел соғады, күші кей жерлерде 15-20 м/с жетеді, арты шаңды дауыл ұласуы мүмкін.

Күннің маңызды және өзекті жаңалықтарын «Егемен Қазақстан» телеграм каналынан оқыңыз