Краснояр аймағы үкіметінің вице-премьері Анатолий Цыкалов апаттың ондаған миллиард рубль шығын әкелгенін хабарлады. «Сондықтан қазір апаттың себебін іздеумен қатар шығындарды азайту керек. Компания қажет шараларды қолға алды. Мұнай өнімі одан әрі төгіліп, маңайдағы Пясино көліне залал келмеуі керек», дейді ол.
Басшылық ақаудың компания тарапынан емес қызмет етуші құрылымдардың олқылығынан болуы мүмкін деген болжам айтады. «Жақында жанармай құятын құрылғылардың жұмысы тексерілді. Бізге қызмет көрсететін бірнеше компания бар. Олардың да жұмысы өндіріс үшін маңызды», деді А.Цыкалов.
Аймақтағы ауа райы апат салдарын жоюға қолайлы болып отыр. ЖЭС жұмысына апат зиян келтірмеген. Өйткені станса газбен жұмыс істеп, дизельді қосымша күш ретінде пайдаланды. Стансаның электр қуаты – 440 МВт, жылу қуаты сағатына 1049 Гкал екен. Экологтер мұны экологиялық апат деп бағалады. Сонымен қатар бүгінгі жүргізіліп жатқан жұмыстардың Краснояр аймағын құтқарып қалмайтынын мәлімдеді. Олардың ойынша, үлкен шаралар қабылданбаса, келешекте салдары ауыр болмақ.
