Спорт • 09 Маусым, 2020

Әлемдегі ең танымал футзалшылардың бірі "Қайрат" сапына қосылады

31 рет көрсетілді

Әлемдегі ең танымал футзалшылардың бірі Гадейяның таяу күндері Алматының "Қайрат" клубына ауысатыны расталды, - деп хабарлайды Egemen.kz

Бұл ойыншының толық аты-жөні – Фабрицио Бастезини Гадейя. Испанияның "Интер Мовистар" клубында өнер көрсетіп жүрген бразилиялық сұрмерген талай толғай табыстарға қол жеткізді. Атап айтсақ, 2017 және 2018 жылдары қатарынан екі рет ел чемпионы атанып, кубок пен суперкубокты иеленді. Дәл сол кездері Чемпиондар лигасында екі мәрте топ жарды.

2018 жылдың қорытындысы бойынша әлемдегі ең үздік футзалшылар тізімінде Гадейя екінші орынға жайғасты. Ал былтырғы маусымда қарсыластар қақпасына 17 гол соғып, өз командасының ең мерген шабуылшысы ретінде танылды.

Сөйтіп, "Қайраттың" құрамы тағы бір мықты ойыншымен толықты. Естеріңізге сала кетейік, бұған дейін Португалияның «Бенфикасында» өнер көрсетіп жүрген бразилиялық Фернандиньо мен Румыния футзалының жұлдызы Савио Валадарестің биылғы маусымда алматылық клубтың жейдесін киетіні жайында мәлім болған еді.  

Соңғы жаңалықтар

Теріскейдің Самалы

Руханият • Кеше

Ұқсас жаңалықтар