Онлайн форматта өткен конференцияға Хабқа қатысушы елдердің және басқа мемлекеттердің уәкілетті органдарының, қауымдастықтардың, академиялардың, университеттер мен институттардың, сондай-ақ халықаралық ұйымдардың өкілдері қатысты.
Іс-шарада пандемия әлем елдерінің билігі үшін нағыз сынақ болғаны, дағдарыстан шығу жолдарын қарастыруда, зардап шеккен салаларды қайта қалпына келтіруде мемлекеттік сектор шешуші рөл атқаратыны, осы ретте мемлекеттік басқарудың тиімділігі аса маңызды екені қозғалды.
Сарапшылар қазіргі мемлекеттік қызметкерлердің жұмысына едәуір әсер еткенін бірауыздан растады. Олардың айтуынша, әдетте көпшілік дәстүрлі қағазбастылықпен байланыстыратын қызмет түрінің қашықтан жұмыс істеуге өтуі көп елдер үшін жаңалық болды. Бұл ретте қатысушылар Оңтүстік Корея, Украина, Өзбекстан және Қазақстанның тәжірибесіне тоқталып, жетістіктері мен қателіктерден үйренген сабақтарын айтып берді. Іс-шарада, сондай-ақ мемлекеттік қызмет саласында адам ресурстарын басқарудағы прогрессивті, тиімді әрі инновациялық құралдарды қарастыру, жаһандық деңгейде тәжірибе мен білім алмасуға ықпал етуді және осы салада ынтымақтастық пен серіктестікті кеңейту мәселелері сөз болды.
