Фото: ҚР Мәдениет және ақпарат министрлігі
Концерт Роза Бағланова атындағы «Қазақконцерт» залында өтті.
«Астана сазы» – ұлттық музыка мен дәстүрлерді насихаттап, халық шығармашылығының даралығын сақтап жүрген Қазақстанның жетекші фольклорлық ұжымдарының бірі.
Концерт бағдарламасы ұлттық музыка өнерінің үздік туындыларын, күй, ән, би және олардың заманауи интерпретацияларын қамтыды. Әрбір орындау көрерменге ұмытылмас музыкалық әсер сыйлады.
Көрермен үшін ерекше сый - кеште Музыкалық-драмалық жас көрермендер театры өнер көрсетіп, ең танымал музыкалық нөмірлерін ұсынды.
Концертке мәдениет саласының көрнекті қайраткерлері, халықаралық байқаулардың лауреаттары және «BIRLIK» би ансамблі қатысты.
