«2015 жылы Үкімет бекіткен жекешелендірудің 2016-2020 жылдарға арналған кешенді жоспарында 167 компания қамтылған. Осы уақытқа дейін «Самұрық-Қазына» қоры 137 активті жекешелендіру жұмыстарын аяқтады. Соның ішінде 84 активті 172 млрд теңгеге саттық. 53 актив таратылды немесе қайта құрылды. Қазір біздің қоржында 9 ірі актив және 21 ірі емес актив бар. Бүгінгі таңда пандемия ықпалынан инвестициялық нарыққа айтарлықтай әсер ететін капитал нарығында белгісіздік байқалып тұр. Мұндай жағдайда Қор активтерін жекешелендіру әділ құн тұрғысынан да, орналастыру мөлшері жағынан да қауіпті. Сондықтан біз Қордың жалғыз акционері – ел Үкіметіне 2016-2020 жылдарға арналған жекешелендіру жоспарында көзделген мерзімдерді өзгертуді ұсындық. Біздің бастамамыз толықтай қолдау тапты», деді А.Сәтқалиев.
Осылайша, 2021 жылы «Қазпошта» АҚ және «Самұрық-Энерго» АҚ стратегиялық инвесторға сатылады. 2022 жылы «ҚазМұнайГаз» ҰК» АҚ және «Эйр Астана» АҚ IPO-ға шығарылады, «Тау-Кен Самұрық» АҚ және «Qazaq Air» АҚ жекешелендіріледі. 2023 жылы «Қазақстан Темір Жолы» ҰК» АҚ-ны IPO-ға шығару жоспарланып отыр.
Осы жылы Қор «Қазақтелеком» акцияларының 10%-ын «Бірыңғай жинақтаушы зейнетақы қоры» АҚ-на сатпақ. А.Сәтқалиевтің айтуынша, бұл мемлекеттің стратегиялық салада қатысуын сақтап қана қоймай, салымшылардың қаражатына кепілдік береді.
– Бүгінде біз «Самұрық-Қазына» АҚ компаниясының барлық мүдделі тараптары үшін ұзақмерзімді жеңілдіктерді ұлғайтуға негізделген Қазақстан халқы мүдделеріне негізделген активтерді жекешелендіру бойынша кешенді жұмыстарды жалғастырып келеміз. Мемлекеттік комиссия отырысында «Қазақтелеком» акцияларының 10%-ын Қазақстан Республикасының бірыңғай жинақтаушы зейнетақы қорына сату туралы шешім қабылданды. Қазіргі экономикалық жағдайда біз телекоммуникациялар нарығы, IT-қызметтер нарығының қызметтерді тұтыну көлемінің артуына ие салалардың бірі екендігіне назар аудардық. Яғни бұл – интернеттегі қызмет көрсету көлемінің артуы, онлайн- қызметтерді қосу инвесторлар үшін тартымды бола түсуде. Біріншіден, «Қазақтелеком» стратегиялық нысан болса, екіншіден, бағаланбаған активтер. Аталған стратегиялық активті мемлекеттік бақылауды сақтай отырып, кірісті барынша көбейту жөнінде шешім қабылдадық. Сатып алушылар бірыңғай жинақтаушы зейнетақы қорын жасады. Біз бұл операцияны жүзеге асыру үшін Үкіметтің де, Ұлттық банктің де қолдауын алдық. Қазіргі уақытта біз Ұлттық банкпен транзакцияның форматы туралы келіссөздер жүргізіп жатырмыз, – деді ол.
Қордың 21 ірі емес активі бойынша іс-шаралар 2023 жылға дейін аяқталатын болады. Сонымен қатар А.Сәтқалиев атап өткендей, олардың әрқайсысы бойынша шешім тек экономикалық прагматизм тұрғысынан ғана қабылданады.
Сонымен қатар А.Сәтқалиев биылғы маусым айының басында «Самұрық-Қазына» ҰӘҚ» АҚ Қазатомөнеркәсіптің бұрын орналастырылған акцияларына қолайлы сұранысты пайдалана отырып, «Қазатомөнеркәсіп» компаниясының акциялары мен жаһандық депозитарлық қолхаттарын қосымша орналастыру процесін аяқтады. Оларды Лондон қор биржасында (LSE) және Астана халықаралық қаржы орталығының биржасында (AIХ) орналастыру қорытындысы бойынша компания акцияларына инвесторлар тарапынан сұраныс ұсыныстан 2,9 есе асып түсті.
Осылайша, компания акцияларының 6,28%-ы 211 млн АҚШ доллары немесе 85 млрд теңгеге сатылды. АХҚО биржа алаңында барлығы 69,7 млн АҚШ долларына 53,4% қазақстандық және 46,6% шетелдік инвесторлардан өтінімдер келіп түсті
– Біз «Қазатомөнеркәсіпті» жекешелендіруге Бірыңғай жинақтаушы зейнетақы қорының қатысуын құптадық. БЖЗҚ нарықтық капиталдандыруды ұлғайту мүмкіндігімен тұрақты дивидендтер төлейтін сапалы активке ие болды. Бірыңғай жинақтаушы зейнетақы қоры «Қазатомөнеркәсіп» ІРО арқасында 32 млрд теңге пайда көрді, – деп атап өтті А. Сәтқалиев.
