Тараптар Қазақстан Республикасы және Солтүстік Македония Республикасы арасында дипломатиялық қатынастардың орнатылуының 25-жылдығына орай құттықтаулармен алмасты.
Сауда-экономикалық салаға ерекше назар бөлінді. Атап айтқанда, Сауда-экономикалық ынтымақтастық бойынша үкіметаралық комиссияның алдағы құрылуы іскерлік және инвестициялық байланыстардың тереңдетілуіне жаңа серпін беретініне сенім білдірілді.
Коронавирустың таралуына қарсы тұру бойынша ҚР және СМР үкіметтерінің қолданып жатқан шаралары бөлек тақырып ретінде талқыланды.
Сұхбат соңында дипломаттар достық байланыстарды одан әрі күшейту және өзара тиімді ынтымақтастықты кеңейту бағытына бейілділіктерін растады.
